لوك ئۆیڵ ئاستى به‌رهه‌مهێنانى نه‌وت و گازى زیاد بووه‌

:: PM:01:09:12/08/2019 ‌

كۆمپانیاى لۆك ئۆیڵى رووسى رای گه‌یاند ئاستى به‌رهه‌مهێنانى نه‌وت و گازى زیاد بووه‌، جگه‌ له‌ پرۆژه‌ى كێلگه‌ى قوڕنه‌- 2 كه‌ له‌ عێراقه‌.

ئه‌مڕۆ دووشه‌م 12ى ئاب، كۆمپانیاى لۆك ئۆیڵى رووسى ئاستى به‌رهه‌مهێنانى هیدرۆكاربۆناتى " نه‌وت و گازى" خۆى ئاشكرا كردووه‌.

به‌گوێره‌ى ئه‌و زانیارییانه‌ى كه‌ له‌ ئاژانسى رۆیته‌رز بڵاوكراوه‌ته‌وه‌، ئاستى به‌رهه‌مى كۆمپانیاكه‌ له‌ نیوه‌ى یه‌كه‌مى ئه‌م ساڵ به‌ رێژه‌ى 2.8 % به‌رز بووه‌ته‌وه‌ و گه‌یشتووه‌ته‌ دوو ملیۆن 352هه‌زار به‌رمیل رۆژانه‌.

كۆى به‌رهه‌مه‌كه‌یشى له‌ نیوه‌ى یه‌كه‌مى ئه‌مساڵ 42 ملیۆن و 600 هه‌زار تۆن بووه‌.

سه‌باره‌ت به‌ به‌رهه‌مى گازیش كۆمپانیاكه‌ ئاشكراى كردووه‌ 17 ملیار و 400 ملیۆن مه‌تر سێجا گازى به‌رهه‌م هێناوه‌. واته‌ له‌سه‌ر ئاستى ساڵانه‌ 8% زیادى كردوووه‌.

لوك ئۆیل به‌ دووه‌م گه‌وره‌ترین كۆمپانیاى رووسى داده‌نرێت له‌ ساڵى 1991 دامه‌زراوه‌ و  باره‌گاى سه‌ره‌كى له‌ مۆسكۆیه‌. ئه‌م كۆمپانیایه‌ تایبه‌ته‌ به‌ بوارى نه‌وت و له‌ چه‌ندان شوێنى دنیا كار ده‌كات و له‌ عێراقیش له‌ كێڵگه‌ى قوڕنه‌-2 كار ده‌كات.


 



وشە - فه‌یسه‌ڵ خه‌لیل

ئه‌م بابه‌ته 157 جار خوێنراوه‌ته‌وه‌‌