چەتەكانی دەریا لە نزیك كەنارئاوییەكانی كامێرون، هێرشیان كردە سەر كەشتییەكی ئەڵمانیی كە بۆ ماوەیەكی كاتی وەستابوو و ژمارەیەك لە سەرنشینەكانی كەشتییەكەیان رفاند.
ژمارەی سەرنشینەكانی كەشتییەكە 20 كەس بوون كە 12 كەس لەوانە رفێنراون. كۆمپانیای ئێم كێی شیفارت كە خاوەنی كەشتییەكەیە و نووسینگە سەرەكییەكەی لە هامبورگی ئەڵمانیایە، رفاندنی سەرنشینانی كەشتییەكەی پشتڕاست كردووەتەوە.
بەگوێرەی "
یۆرۆنیوز" خاوەنی كەشتییەكە لە بەیاننامەیەكدا باسی لەوە كردووە كە تیمێكی شارەزایان راسپاردووە تا لە نزیكەوە لەگەڵ بەرپرسانی ناوچەكە قسە بكەن و لە رێی دانوستانەوە ئەم كێشەیە چارەسەر بكەن.
پێویستە بگوترێت هەر لە دێرزەمانەوە چەتەی دەریایی یەكێك لە كێشە گرنگەكانی بازرگانیی دەریایی بووە و ئێستەش كە لە سەدەی بیست و یەكەمدا دەژین تەنانەت وڵاتە زلهێزەكانیش بەدەستی ئەم دیاردەیەوە گیریان خواردووە و ناوە ناوە كەشتییە بازرگانییەكان تووشی دزین و رفاندنی سەرنشینەكانیان دەبنەوە.