ئەمڕۆ چوارشەم ئەو شەپۆلە لە گەرمایەی چەند رۆژێك بوو پلەكانی گەرمی بەرز كردبووەوە، كۆتایی دێت و لە سبەی پێنجشەمەوە كەشوهەوا خۆشتر دەبێت.
لە هەولێر بەرزترین پلەی گەرمی 44 و نزمترینی 27 دەبێ، بەڵام بۆ سبەی پێنجشەم چوار پلە دادەبەزێت و بەرزترین پلەی گەرمی 40 تۆمار دەكرێت.
لە سلێمانیش ئەمڕۆ پلەكانی گەرمی تا 43 پلەی سیلیزی بەرز دەبنەوە و بۆ سبەینێ سێ پلە دادەبەزێت و ئاسمانیش لە سەرجەم پارێزگاكان ساماڵ دەبێت.
لە دهۆك پلەكانی گەرمی لە 41ەوە بۆ 39 دادەبەزن و پێ دەچێت كۆتایی بە شەپۆلی گەرمای تاقەتپڕووكێنی هاوین هاتبێت.
لە پارێزگای كەركووكیش ئەمڕۆكە پلەی گەرمی تا 45 بەرز دەبێتەوە و لەو پارێزگایەش رۆژی پێنجشەم دابەزینی پلەی گەرمی تۆمار دەكرێت و دوو پلە لە گەرمای هەوا كەم دەكات.