بەپێی نووسراوێكی وەزارەتی پێشمەرگەی حكوومەتی هەرێمی كوردستان ئاراستەی وەزارەتی دارایی و ئابووری كراوە، تێیدا داوای خەرجكرنی پارەی خێزان و منداڵانی ئەفسەرەكانی هێزی 70 و 80 دەكرێت.
ئەمڕۆ شەموو 14ـی ئەیلوول، بەپێی نووسراوێكی وەزارەتی پێشمەرگەی حكوومەتی هەرێمی كوردستان بە ژمارە 13769 كە وێنەیەكی دەست "وشە" كەوتووە، ئاماژەی بە نووسراوی وەزارەتی دارایی و ئابووری بەڕێوەبەرایەتی ژمێركاری ژمارە 7483 تایبەت بەخەرجكردنی دەرماڵەی خێزان بۆ ئەفسەری و پلەدارەكانی پێشمەرگە دەكەین.
لە نووسراوەكەی وەزارەتی پێشمەرگە ڕوون كراوەتەوە، پێویستە ئەو خەرجییە بۆ ئەفسەرانی هێزەكانی 70 و 80 بكرێت هاوشێوەی هێزەكانی وەزارەتی پێشمەرگە داواكارین ڕەزامەندی بەفەرموون.
ئەو نووسراوەی وەزارەتی پێشمەرگە لە كاتێكدایە ئێستە لەژێر سەرپەرشتی هێزەكانی هاوپەیمانان مەشق بە پێشمەرگە دەكەن و بڕیاریشە لە ماوەی كابینەی نۆیەمی حكوومەت ئەو دوو هێزە ڕێك بخرێنەوە و لە ژێر چەتری وەزارەتی پێشمەرگە بن.