به‌هۆی كۆچی دوایی عیزه‌دین مسته‌فا ڕه‌سووڵ نووسه‌ری ناوداری كورد، سه‌رۆكی حكوومه‌تی هه‌رێمی كوردستان سه‌ره‌خۆشی ئاراسته‌ی بنه‌ماڵه‌كه‌ی كرد
د.عیزەدین رۆڵی دیاری لە بزاڤی روناکبیریی و ئەدەبی کوردستاندا هەیە
له پرسه‌نامه‌كه‌ی مه‌سروور بارزانی سه‌رۆكی حكوومه‌تی هه‌رێمی كوردستاندا هاتووه: بەداخێکی زۆرەوە کۆچی دوایی نووسەر و رووناکبیری ناسراوی کوردستان پرۆفیسۆر "عیزدەین مستەفا رەسول"م بیست. د.عیزەدین رۆڵی دیاری لە بزاڤی روناکبیریی و ئەدەبی کوردستاندا هەیە، بۆیە لەدەستدانی ئەم نووسەر و ئەدیبە گەورەیەی کورد زیانێکی گەورەیە بۆ بزووتنەوەی رۆشنبیریی لە کوردستان.
له درێژه‌ی پرسه‌نامه‌كه‌دا نووسراوه: پرسە وسەرەخۆشی گەرمی خۆم ئاراستەی بنەماڵەکەی و نووسەرو رۆشنبیرانی کوردستان دەکەم . خوای مەزن بە بەهەشتی شاد بکات و یادی مامۆستا عیزەدینیش هەمیشە هەر زیندوو بمێنێت.
ئه‌مڕۆ پێنجشه‌م (3ی تشرینی یه‌كه‌م/ ئۆكتۆبه‌ر) عیزه‌دین مسته‌فا ڕه‌سووڵ پرۆفیسۆر و ڕووناكبیری كورد له ته‌مه‌نی 85 ساڵیدا كۆچی دوایی كرد.