كەمێك پێس ئێستە لە رێی نێوان پارێزگای كەركووك و دیالە بەهۆی پێكدادانی دوو ئۆتۆمبێل، پێنج كەس گیانیان لە دەست دا و 13 كەسیش بریندار بوون.
سەرجەم بریندار و کوژراوەکان ئێرانین و بۆ رێوڕەسمی چلەی ئیمام حوسێن هاتوون
ئەمڕۆ شەموو 19ی تشرینی یەكەم، زەنوون عەبدولكەریم گوتەبێژی پۆلیسی هاتوچۆی خورماتوو بە "وشە"ی راگەیاند، كەمێك پێش ئێستا لە نێوان پارێزگای كەركووك و دیالە نزیك بە رێی عوزێم، لە ئاكامی پێكدادانی دوو ئۆتۆمبێلی جۆری پاس و جیمسی، پێنج كەس گیانیان لە دەست دا و 13 كەسیش بریندار بوون .
زیاتر روونی دەكاتەوە، ئەو قوربانیانە سەرجەمیان زیارەتكارانی ئێرانی بوون كە بۆ رێوڕەسمی چلەی حوسێن هاتبوونە عێراقەوە.
گوتەبێژی پۆلیسی هاتوچۆی خورماتوو ئاشكرای دەكات، رووداوەكە بەهۆی خراپی رێگەوبانەكە و خێرایی شۆفێری پاسەكەوە رووی داوە.
گەرمیان / سەبری هۆرێنی