مهولوود چاوش ئۆغڵوى وهزیرى دهرهوهى توركیا راى گهیاند، لهگهڵ رووسیا تاوتوێى بابهتى دهركردنى هێزهكانى یهپهگه دهكهن له مهنبهج و كۆبانێ.
ئهمڕۆ یهكشهم 20ى تشرینى یهكهم، مهولوود چاویش ئۆغڵو له لێدوانێكى كه لهلایهن ئاژانسى رۆیتهرز بڵاو كراوهتهوه، باس له دیدارهكانى نێوان پوتین و ئهردۆغان دهكات كه بڕیاره ئهم ههفتهیه له رووسیا بهڕێوه بچێت.
توركیا داوا دهكات رووسیا هێزه كوردییهكان له مهنبهج و كۆبانێ دهرباكت
چاوش ئۆغڵو باس له كارنامهى بهرپرسانى توركیا و رووسیا دهكات و دهڵێ ههوڵ دهدهین لهگهڵ رووسیا تاوتوێى دهركردنى یهپهگه بكهین له مهنبهج و كۆبانێ.
بڕیاره رهجهب تهیب ئهرۆدغانى سهرۆكى توركیا، رۆژى سێشهمى داهاتوو بهرهو شارى سۆچى رووسیا بهڕێ بكهوێت.
مهولوود لهبارهى ئامانجى ئهو سهردانه دهڵێ نابێت لهم پێنج رۆژهدا هیچ چهكدارێكى یهپهگه له مهنبهج و كۆبانێ و ئهو شوێنانه ببینرێت، كه هێزهكانى رژێمى ئهسهدى تێدا بڵاو كراوهتهوه.
رۆژى پێنجشهمى رابردوو توركیا و ئهمهریكا لهسهر ئاگربهستێكى پێنج رۆژى رێككهوتن، كه به گوتهى چاودێران توركیا لهم رێككهوتنه سوودمهندى یهكهمه و ئهمهریكاى بۆ مهبهستى خۆى بهكار هێناوه.