قارچك لەو خۆراکانەیە لە کوردستان خواستێكی زۆری لهسهره، ئێستا لە ناوچەی پێنجوێن وەرزی دەرکەوتنی قارچکە و خەڵکێکی زۆر بۆ هەڵکەندنی روویان کردووەتە ناوچە شاخاوییەکانی ئەو دەڤەرە.
بەهۆی ئەوەی هێشتا باران نەباریوە قارچکەکان وشکن و دەبێ چاوەڕوانی باران بکرێت
ئازاد بهرههم خەڵکی پێنجوێنە و وەک بۆ "وشه"ی باس دەکات، بههۆی ههڵكهوتهی سرووشتی ناوچهكهمانهوه، ساڵانه لهم وهرزهدا كه پایزه و لهدوای یهكهم باران بارین، قارچكێكی زۆر له كوێستان و گونده سنوورییهكانی نێوان پێنجوێن و رۆژههڵاتی کوردستان پێدهگات.
زیاتر روونی دەکاتەوە، رۆژانه خەڵکێکی زۆر لە پێنجوێن دهچینه كوێستان و شاخه بهرزهكان و قارچێكی زۆر كۆ دهكهنهوه، ههرچهنده قارچك له سنوورهكهماندا پێگهیشتووه و زۆره، بهڵام بههۆی كهمی باران بارین و ههوره تریشقهوه قارچكی ئهمساڵی پێنجوێن وشكه و چاوهڕوانین بارانی تر ببارێت و قارچكهكان تهڕ بكات.
یهعقوب كهمال فرۆشیاری قارچكه لهبازاڕی پێنجوێن، وەک ئاماژەی پی دەدات، رۆژانه لهلایهن ئهو كهس و هاووڵاتییانهی پێنجوێنهوه، بهتایبهتی ئهوانهی دانیشتوی گوندهكانن، بە فەردە قارچكمان بۆ دههێنن و ئێمهش لێیان دهكڕینهوه و بهكڕیارانی دهدهین و نرخهكهشی بۆ هەر کیلۆیەک له هەزار و 500 دینار بەرەوسەرە و تا دوو هەزار دینار دەچێت.
"هۆكاری زۆری خواست لهسهر قارچك بۆ سودە تهندروستییەکانی دهگهڕێتهوه، لهوانهش سوودی ههیه بۆ دابهزاندنی كێش، چونكه "90%"ی پێكهاتووه له ئاو، ههروهها مرۆڤ دەتوانێت لهجیاتی گۆشت قارچك بەکار بهێنن، بههۆی ئهوهی جێی ڤیتامینهكانی گۆشت دهگرێتهوه و بهرگری له باری تهندروستی مرۆڤ دهكات و پاڵەپەستۆی خوێنیش ناهێڵێت، جگه لهوهش چهورییه زیانبهخشهكان دهسوتێنێت و له ههمان كاتیشدا دژی دروستبوونی شێرپهنجهیە"یەعقوب کەمال وای گوت.
شارۆكهی پێنجوێن، دهكهوێته باكووری رۆژههڵاتی پارێزگای سلێمانی و یهكێكه لهناوچه كوێستانی و بهرزهكان و بهو هۆیهشهوه ناوچەکە لە وەرزی باراندا قارچکێکی زۆر دەگرێت.
پێنجوێن/ رێبین پێنجوێنی