بڕیارە سبەی مووچەی وەزارەتێك دابەش بكرێت و ئەمڕۆش مووچەی فەرمانبەرانی وەزارەتی دارایی و ئابووری دابەش دەكرێت.
ئەمڕۆ چوارشەم 11ـی كانوونی یەكەم، بەپێی زانیارییەكانی "وشە" بڕیارە سبەی پێنجشەم دەست بكرێت بە دابەشكردنی مووچەی وەزارەتی تەندروستی.
ئەمڕۆ دەست دەكرێت بە دابەشكردنی مووچەی فەرمانبەرانی وەزارەتی دارایی و ئابووری
لە زانیارییەكاندا ئاشكرا كراوە، ئەمڕۆ دەست دەكرێت بە دابەشكردنی مووچەی فەرمانبەرانی وەزارەتی دارایی و ئابووری.
هەرێمی كوردستان بۆ دابەشكردنی مووچەی فەرمانبەران دوای تەنگژەی دارایی پشت دەبەستێت بە فرۆشتنی نەوت و ئەو بڕە پارەیەی لە بەغداوە بەپێی ڕێككەوتنێك بۆ هەرێمی كوردستان دێتە ناردن.
بەپێی ڕێككەوتنی نێوان هەرێمی كوردستان و عێراق، لە ناوەڕاستی هەر مانگێك عێراق بڕی 452 ملیار دینار بۆ هەرێمی كوردستان دەنێرێت و بە داهاتی ناوخۆیی و پارەی هاوپەیمانان بۆ پێشمەرگە و فرۆشتنی نەوت مووچەی فەرمانبەران دەدرێت.
لە سەرەتای ئەمساڵ پاشەكەوتی مووچە لەسەر فەرمانبەرانی هەرێمی كوردستان هەڵگیرا و پێدانی مووچە ئاسایی بووەتەوە. لە پێنجی سەرەتای هەر مانگێك لە هەرێمی كوردستان مووچە دابەش دەكرێت.