نیان عەبدوڵا گەڕایەوە كوردستان


نیان عەبدوڵا خانمە هونەرمەندی گۆرانیبێژی كورد، دوای ئەوەی بەمەبەستی چارەسەر سەردانی وڵاتی فڕەنسای كردبوو، گەڕایەوە كوردستان.

ئەو خانمە لە ڕێگەی پێگەی تایبەتی خۆی لە تۆڕی كۆمەڵایەتی فەیسبووك نووسیویەتی: بەگەڕانەوەم بۆ خاكی شیرینی نیشتمان، زۆر دڵخۆشم و هەموو جوانییەكانی ئەوروپا دەكەم بەقوربانی بستێك خاكی كوردستانم.

نیان بەم شێوەیە باسی سەردانەكەی بۆ بەرلین دەكات: هەرچەندە نەمتوانی درێژە بە چارەسەرییەكانم بدەم لە نەخۆشخانەی چاریتە بۆ نەخۆشییەكەم، لەبەر زۆری تێچووی چارەسەركردنەكان و كورتی ماوەی ڤیزەكەم، چونكە پزیشكەكانم پێیان ڕاگەیاندم كە پێویستە ماوەیەكی زیاتر بمێنمەوە بۆ ئەوەی لەژێر چاودێری ئەواندابم بۆ دۆزینەوەی كێشەی وەستانی قاچەكانم و ئەو ئازارە زۆرەی كە لەوكاتەدا بۆم دروست دەبیت كە سێ هەفتە جارێك تووشی دەبم و ماوەی دوو ڕۆژ دەخایەنێت، ئاگاداریان كردمەوە كە پێویستە بۆ ماوەی سێ ساڵ، هەر سێ مانگ جارێك پشكنینم بۆ بكرێت بەمەبەستی كۆنترۆڵكردنی نەخۆشییەكەم كە ئەمە لە توانای مندا نییە و بۆ من زۆر ئەستەمە، بەڵام بەهەرحاڵ زۆر دڵخۆشم كە گەڕامەوە بۆ وڵاتی شیرینی خۆم و خەڵكە جوانە خۆشەویستەكەی كوردستان.

نیان هەر لەو پۆستەشیدا دەنووسێت: "هەموو بەرلین دەكەم بەقوربانی پیاسەیەكی كورتی شەوانی سەهۆڵەكەی سلێمانی".

نیان عەبدوڵا لە 26ی ئەیلوولی 2016 بەمەبەستی چارەسەری نەخۆشییەكەی، گەیشتە وڵاتی فڕەنسا و لە بەرلین سەردانی پزیشكی تایبەتی كرد و لە 6ی تشرینی یەكەم نەشتەرگەری بۆ ئەنجام درا.


وشە - موحسین شابان


PM:03:35:17/10/2016




ئه‌م بابه‌ته 3273 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌