بڕیارە سبەی مووچەی چەند وەزارەتێك و چەند دەستەیەك دابەش بكرێت و كەسوكاری شەهیدی هاووڵاتیش مووچە وەردەگرن.
بەپێی ئەو لیستەی لەلایەن وەزارەتی دارایی و ئابووری بڵاو كراوەتەوە، بڕیارە سبەی مووچەی دوو وەزارەت و هەشت دەستە دابەش بكرێت.
مووچەی دوو وەزارەت و هەشت دەستە دابەش بكرێت
بەپێی خشتەكە، سبەی مووچەی وەزارەتی گواستنەوە و گەیاندن و وەزارەتی پیشەسازی و بازرگانی لەگەڵ دیوانی چاودێری دارایی و دەستەی مافی مرۆڤ و دەستەی دەستپاكی و دەستەی ژینگە و دەستەی وەبەرهێنان و ناوچەكانی دەرەوەی ئیدارەی هەرێم و دەزگای مین و كۆمیسۆنی هەڵبژاردن دابەش بكرێت.
بەپێی خشتەكە، سبەی پێنجشەم مووچەی كەسوكاری شەهیدانی هاووڵاتیش دابەش دەكرێت.
هەرێمی كوردستان بۆ دابەشكردنی مووچە پشت دەبەستێت بە داهاتی ناوخۆ و ئەو بڕە پارەیەی لە فرۆشتنی نەوت دەستی دەكەوێت، لەگەڵ ئەو بڕە پارەییەی لە عێراق بەپێی ڕێكەوتن دێتە ناردن.