ده‌ما دوو روژایه، ساخله‌میا هونه‌رمه‌ند سه‌عید گاباری تێكچوی و ده‌نگویێ وه‌غه‌ركرنا وی ل تورێن جڤاكی هاتیه به‌لاڤكرن، به‌لێ ژێده‌ره‌كێ ژ تیما چاره‌سه‌ركرنا وی دیاركر كو نوكه سه‌عید گاباری یێ ساخه و چاره‌سه‌ریا وی دهێته‌كرن.
پشتی دوو روژا به‌ری نوكه هونه‌رمه‌ندێ ناسیارێ كوردستان و پارێزگه‌ها دهۆكێ توشی نه‌خۆشیه‌كێ بوی، هاتیه ره‌وانه‌كرن بۆ نه‌خۆشخانێ، د نوكه دا ده‌نگویێ مرنا وی ل تورێن جڤاكی هاتیه به‌لاڤكرن.
خێزانا وی دخوازن رەوانەیێ باژێرێ کولن ل ئەلمانیا بکەن
دکتور وەلات ئاکرەیی ژتیما نوژداری یا تایبه‌ت ب چاره‌سه‌ركرنا سه‌عید گاباری گوت"هونه‌رمه‌ند سه‌عید گاباری یێ ساخه و لژێرچاڤدێریا نوژداری دایه و چاره‌سه‌ر وی دهێته‌كرن و وه‌غه‌ر نه‌كریه، نوکە لژێر هەناسەدانا دەستکردە"
زێدەتر گۆت"زێدەباری هەموو تشت بۆ چارەسەرکرنا گاباری ل بەردەستن، بەلێ خێزانا وی دخوازن رەوانەیێ باژێرێ کولن ل ئەلمانیا بکەن، لسەر راسپاردا مەسرور بارزانی ئەڤ شەڤە یان سبە دێ ب رێیا فروکەکا تایبەت لسەر ئەرکێ حوکمەتێ هێتە رەوانەکرن بۆ ئەلمانیا"
گاباری خه‌لكێ رۆژئاڤایێ كوردستانێ یه و خودانێ چه‌ندین به‌رهه‌مێن هونه‌ری یه، ل سه‌رده‌مێ بزاڤا رزگاریخوازیا كوردستانێ روله‌كێ كارتێكه‌ر د چێكرن و به‌لاڤكرنا سترانان دا هه‌بویه، هه‌ر ژبه‌ر روولێ وی ژلایێ رژێما به‌عس دهێته گرتن و هه‌ردوو چاڤێن وی دهێنه ده‌رئینان، نوكه ل هه‌ولێرێ دژیت و ده‌ما دوو روژایه توشی نه‌خۆشیه‌كێ بویه.
دهۆک/ نەوزاد هلوری