بۆ نه‌هێشتنی ئازاری پشت چای سه‌وز ئازارشكێنه‌

:: AM:11:37:22/05/2020 ‌
پزیشكێكی پسپۆڕ له‌ بواری بڕبڕه‌ و ئێسك ئاماژه‌ ده‌دات، باشترین چاره‌سه‌ر و نه‌هێشتنی ئازار له‌ پشتی كه‌سی تووشبوو به‌ نه‌خۆشیی پشت، چاری سه‌وزه‌ كه‌ باشترین ئازارشكێنه‌ بۆ ئه‌و نه‌خۆشییه‌.

چای سه‌وز باشترین چاره‌سه‌ر و ئازارشكێنه
پێگه‌ی "ئیلاف" بڵاوی كردووه‌ته‌وه‌، بڕانكۆ بربا كه‌ پزیشكێكی پسپۆڕ له‌ بواری بڕبڕه‌ و نه‌خۆشییه‌كانی پشته‌، بۆ كه‌سێك كه‌ تووشی نه‌خۆشیی پشت و بڕبڕه‌ ده‌بێت و ئازاری زۆری ده‌بێت، جیا له‌ چاره‌سه‌رییه‌كانی تر به‌پێی جۆری نه‌خۆشییه‌كه‌ی، له‌ سه‌روویانه‌وه‌ چای سه‌وز باشترین چاره‌سه‌ر و ئازارشكێنه‌.

ئه‌و پزیشكه‌ زیاتر روونی كردووه‌ته‌وه‌، چای سه‌وز و كاریگه‌رییه‌كانی، بۆ دژه‌ ئۆكسیده‌كان باشه‌ و جه‌سته‌ی مرۆڤ له‌ نه‌خۆشییه‌ درێژخایه‌نه‌كان ده‌پارێزێت كه‌ له‌ناویاندا نه‌خۆشیی پشت.

ئه‌وه‌شی گوت كه‌ چای سه‌وز هه‌وكردن له‌ جه‌سته‌ی نه‌خۆش كه‌م ده‌كاته‌وه‌ و به‌وه‌یش ئازاری كه‌متر ده‌بێته‌وه‌ یان نایهێڵێت، به‌تایبه‌تی ئازاره‌كانی خواره‌وه‌ی پشت كه‌ زۆربه‌ی جار نه‌خۆش به‌ ده‌ستی ئازاره‌وه‌ ده‌ناڵێنێت.

دواتریش ئه‌و پزیشكه‌ ئاماژه‌ به‌و خواردنانه‌ ده‌دات كه‌ ده‌بنه‌ هۆی كه‌مكردنه‌وه‌ی هه‌وكردنی جه‌سته‌ی نه‌خۆش، به‌پێی رێنوێنییه‌كانی پزیشك، خواردنه‌كان زۆرن كه‌ هه‌وكردن كه‌م ده‌كه‌نه‌وه‌، به‌ڵام له‌ سه‌رووی هه‌موویانه‌وه‌، چای سه‌وز.


وشە - وشیار ئه‌حمه‌د ئه‌سوه‌د

ئه‌م بابه‌ته 214 جار خوێنراوه‌ته‌وه‌‌