مەسروور بارزانی كە لە باشترین زانكۆكانی ئەمەریكا، بە ئاستی بەرزی زانستیی خۆی، خوێندنی تەواو كردووە، لە ئەرزی واقیعیشدا، پێوەندییەكی بەهێزی نێودەوڵەتی هەیە، ئەمە جگە لەوەی لەناو بەرپرسانی كوردستاندا، كەمیان هەن وەك مەسروور بارزانی گوتاربێژ و قسەزانێكی باش بێت، بەتایبەتی بە ئینگلیزی كە جێی سەرسامی توێژەران و سیاسەتوانانی ئەمەریكا و ئەوروپایە!
ئەحمەد میرە بە واستە و ئاسانكاری لە بەرانبەر جنێو و تەشهیرەكانی، لە سلێمانی لە ماستەر وەرگیراوە! لە راستیدا كەسێكی زارپیس و ناوزڕاوی وەك میرە، تەنێ دەبوو ماستەری لە "جنێوفرۆشی" پێدرایە، نەك لە ئەدەبیاتی كورد! لەوە كارەساتتر ئەوە بوو، ئەحمەد میرە رێگەی پێ درا ناوبانگی زانكۆیی دابەزێنێت و لە هەڵەبجە كرا بە مامۆستا، تا وانە بە نەوەی نوێ بڵێتەوە.
من نامەوێ لە كەسایەتی ئەحمەد میرە كەم بكەمەوە، بەڵام دەمەوێ (خوێنەر، گوێگر و بینەرێك) هەبێت و پێم بڵێ، ئەحمەد میرە بۆ یەكجار لە ژیانیدا، توانیبێتی بە زارێكی خاوێن، نەك پۆخڵ! بە قەڵەمێكی ئازاد، نەك كڕدراو، دووابێت و نووسیبێتی! لە میدیای جیهانیدا كە باس لە كوردستان وەك خاڵێكی گەش دەكرێت، ئەوەی هەمیشە ئاماژەی پێ دەدرێت و جێی شانازییە، ئەو سەقامگیری و ئاسایشەیە كە كوردستان هەیەتی، كە سەرەڕای شەڕ و پەلاماری داعش و هەڕەشەی بەردەوامی وڵاتانی هەرێمی، كوردستان بەهۆی دڵسۆزی و شەونخونی هێزی پێشمەرگە و كارمەندانی ئاسایش تا ئێستە وەك دوورگەیەكی ئارام لە رۆژهەڵاتی ناوەڕاستی هەڵایساودا ماوەتەوە، ئەمەش بە سەركردایەتی مەسروور بارزانی بووە، كە رۆڵێكی گرنگی پڕ لە شانازی، لە سەقامگیریی ئاسایشی كوردستاندا گێڕاوە، وەك چۆن لە تێكشكاندنی ئەفسانەی تیرۆریستانی داعشیشدا، لە پاڵ سەرۆك بارزانیدا، رۆڵێكی سەرەكی بینی و میدیای ئەمەریكا و ئەوروپاییش ددانیان پێدا ناوە، كە ئێستە لە سایەی ئەو سەقامگیرییەدا، جنێوفرۆشێكی وەك ئەحمەد میرە درێژە بە سووكایەتییەكانی دەدا!
جنێونامەی لڤین، ئێستە بە هاوكاری و دەست لە پشتدانی گرووپی خیانەتكاری 16ی ئۆكتۆبەر و لە سەروویشیانەوە (لاهوور جەنگی) بەردەوامە و درێژە بە سووكایەتیەكانی دەدا، بەڵام بەهۆی ناوزڕاندن و درۆ بەردەوامەكانی ئەحمەد میرە، ئەم جنێونامەیە (لڤین) هیچ سەنگ و پێگەیەكی لەلای خەڵكی نییە و هیچ رەواج و فرۆشێكی نەماوە و خەڵك وەك بڵاوكراوەیەكی بەدناو دەیبیننن.
لە كۆتاییدا، چەند پرسیارێك ئاراستەی ئەحمەد میرە دەكەم و هیوادارم وەڵامم بداتەوە: تۆ لە یەكگرتووی ئیسلامیەوە وەك كوارگێك هەڵتۆقیت، دواتر چۆن و بەچ گەمەیەكی موخابەراتی و لە بەرانبەر چی بەكارهێنرایتەوە دژ بە حزبەكەت؟ تۆ كە نەك زارێكی پاك، بەڵكو دەست و دەروونێكی ئەمینیشت نەبوو، تا دەوروبەر و دەستەی نووسەران و كارمەندەكانت وازیان لە لڤین هێنا و هێندێكیان دوای وازهێنانیان بە بەڵگەوە رەفتارە پیسەكانی تۆیان ریسوا كرد، چۆن لە رووت دێ باسی خەڵكی تر بكەی؟ پێمان بڵێ، چۆن و لە بەرانبەر چی و كێ، دەمانچەیان پێدای؟ ئەوە باسی پارە و بەرتیل و شتی تر ناكەین! تۆ هەر شەوێك لە سەرمێزی بەرپرسێكی سلێمانیت و بە راسپاردە، هێرش دەكەیتە سەر ئەم و ئەو، بۆ قبووڵت نەكرد (رەحمان غەریب) رەخنەیەكی لێگرتی؟، لە بەرانبەردا دەیان جنێو و بوختانی شەخسی و خێزانیت لە دژی كرد، ئەرێ را و رای بەرانبەر وەها قبووڵ دەكرێت؟ كاتی خۆی لە بەرنامەی (شەقام)ی NRT لە بەرچاوی بینەران درۆت كرد و گوتت من ئەلكهول ناخۆمەوە، كەچی كە پێشەشكاری بەرنامەكە پێی گوتی ئەو بەچاوی خۆی تۆی بینیوە مەشرووبت خواردووەتەوە، دەمت بووە تەڵەی تەقیو و خۆت ریسوا كرد، ئینجا تۆ كە بە ئاشكرا شەرم لە درۆكردن نەكەی لەسەر تیڤی، چۆن خەڵك باوەڕ بە نووسراوە درۆكانت دەكات؟ تۆ و هاودیدەكانت، بەردەوام بازرگانی بە خوێن و كەیسی رۆژنامەنووسە تیرۆكراوەكانی وەك (سۆران مامە حەمە و سەردەشت عوسمان و ئەوانی تر) دەكەن و بەناوی ئەوانەوە فیستیڤاڵ دروست دەكەن و خەڵات دابەش دەكەن، خەڵاتەكانیش هەر بەرخۆتان و هاوڕێ جنێوفرۆشەكانت دەكەوێت! ئێوە كە ئەو گەنجە خێرلەخۆنەدیوانە بەكوشت دەدەن تا بازرگانی بە مەرگیانەوە بكەن، كەچی خۆتان باشترین ژیانتان هەیە و تا ئێسته خوێن لە پەنجەیەكیشتان نەهاتووە و تەنیا جاروبار سیناریۆی تیرۆركردن بۆ خۆتان دەهۆننەوە، بۆ ئەوەی بازرگانی پێوە بكەن، لە كاتێكدا كەس هێندەی ئێوە سووكایەتی نەكردووە و ناوی خەڵكی نەزڕاندووە، لە سایەی دەسەڵاتی كوردستانیشدا، ئازادانە دەسوڕێنەوە و كەسیش ناڵێ، بەری چاوتان كلە!
هەر تۆ نا، بەڵكو تاقمی خیانەتكاری 16ی ئۆكتۆبەریش بە تایبەتیش (لاهوور جەنگی) دەبێ باش بزانن كە شەرمەزارییەكی هێندە گەورەیان بۆ خۆیان تۆمار كرد كە بە قەڵەمی بەكرێگیراوی سەدان خۆفرۆشی وەك ئەحمەد میرە، لە بیر خەڵك ناچێتەوە!