دره‌نگى یا شه‌ڤا بورى هه‌تا سپێده‌هیا ئه‌ڤرۆ، باله‌فرێن توركیا گونده‌وارێن ناوچه‌دارییا باتیفا یا سه‌ر ب ده‌ڤه‌ردارییا زاخۆ بۆردمان دكرن، ب وێ ئه‌گه‌رێ ژى زیانێن ماددى ب مالێن وه‌لاتیان یێن دوو گوندان گه‌هاندن.
ژێده‌ره‌كێ ل باتیفا بو "وشه" گۆت، شه‌ڤا بورى هه‌تا سپێده‌هیا ئه‌ڤرۆ باله‌فه‌رێن گونده‌وارێن ناوچه‌دارییا باتیفا بۆردمان دكرن.
زێده‌تر گۆت"د ئه‌نجام دا زیان ب مالێن وه‌لاتیان ل هه‌ردوو گوندێن بانكێ و خیزاڤا گه‌هشتن، دیسان كاره‌با سێ گوندان ژى هاته برین، داخوازێ ل جهێن شوله‌ژێ دكه‌ین كو ب رژدى فشارێ ل سه‌ر توركیا دكه‌ین كو بۆردمانێن خوه رابگرن داكو زیان ب خه‌لكێ ده‌ڤه‌رێ نه‌گه‌هیت"
نێزیكێ 25 گوندێن ناوچه‌دارییا باتیفا ژ ئه‌گه‌رێ بۆردمانێن توركیا هاتینه چولكرن، دده‌ما 30 سالێن بورى ژى دا 42 وه‌لاتى هاتینه شه‌هیدكرن و برینداركرن.