یانەی ریال مەدریدی ئیسپانی بەتەواوی لە راگەیاندنی گرێبەستی تیبۆ كۆرتوای گۆڵپارێزی بەلجیكی و یانەی چێڵسی ئینگلیزی نزیك بووەتەوە.
رۆژنامەی (ماركا)ی نزیك لە یانەی ریال مەدرید ئاشكرای كرد: یانەی شاهانە تەنیا یەك هەنگاوی لە راگەیاندنی گرێبەستی كۆرتوا ماوە ئەویش دۆزینەوەی گۆڵپارێزێكی نوێیە بۆ یانەی چێڵسی.
یانەی چێڵسی ئێستا خەریكی گفتوگۆیە لەگەڵ هەریەك لە گۆڵپارێزان پیتەر چیك و كاسپەر شمایكل و جۆ هاڕت بۆ پڕكردنەوەی شوێنی كۆرتوا.
كۆرتوا ئارەزوو دەكات وەرزی داهاتوو لە شاری مەدریدی پایەتەختی ئیسپانیا یاری بكات بۆ ئەوەی لە خێزان و دوو كچەكەی نزیك بێتەوە.
یانەی ریال مەدریدیش پەلەیەتی لە راگەیاندنی گرێبەستی كۆرتوا بۆ ئەوەی بەر لەوەی بچێتە ناو گەشتەكەی بۆ وڵاتی ئەمەریكا و بەشداریكردنی لە جامی پاڵەوانانی ناودەوڵەتی.