وەزارەتی كارەبای حكوومەتی هەرێمی كوردستان رای گەیاند، خزمەتگوزاریی پارەدان بۆ ماوەیەكی كاتی دەوەستێت بەهۆی پەرەپێدانی سیستمەكانی كارەبا.
وەزارەتی كارەبای حكوومەتی هەرێمی كوردستان، رای گەیاند، خزمەتگوزاریی پارەدان لە سەكۆی ئی-پسوولەی حكوومەتی هەرێمی كوردستان و بنكەكانی فرۆشیاریی وزە بەهۆی پڕۆسەی پەرەپێدانی سیستمەكانی وەزارەتی كارەبا لە رۆژی پێنجشەم 11ـی مانگ دەوەستێت و تا رۆژی دووشەم 15ـی مانگی شەش بەردەوام دەبێت.
لە راگەیەنراوەكەدا هاتووە، هەر پارەدانێك ئەنجامدرابێت پێش وەستانی خزمەتگوزارییەكە لە 11ـی 6، سەعات 2:00ـی نیوەڕۆ یا دوای 15ـی 6 سەركەوتووانە تۆماردەكرێت، ئەگەر لە رێگەی سەكۆی ئی-پسوولە یان بنكەكانی فرۆشیاری وزە بێت.
ئەم وەستانە كاتییە لە خزمەتگوزاریی پارەدان بەهۆی پەرەپێدانی سیستمەكانی وەزارەتی كارەبا روودەدات. ئەمەش بۆ باشتركردنی ئەزموونی بەكارهێنەرانە لە تەواوی كوردستان، لە ناویاندا ناوچە دوورەدەستەكان.