لە سلێمانی یەكەمین دیداری زانستی لەبارەی سیاسەتی كولتووری بە دروشمی "كولتوور وەك فریادڕەس" دەستی پێ كرد، دوو ڕۆژ بەردەوام دەبێت.
ئەمڕۆ 29ی تشرینی دووەم، لە هۆتێل ڕامادا لە سلێمانی یەكەمین دیداری زانستی لەبارەی سیاسەتی كولتووری بە دروشمی "كولتوور وەك فریادڕەس" دەستی پێ كرد.
لە دیدارەكەدا حەمەی حەمەسەعید وەزیری ڕۆشنبیری و لاوانی حكوومەتی هەرێی كوردستان، بەڕێوەبەرایەتیی گشتیی ڕۆشنبیری و هونەر لە سلێمانی، هەروەها ڕۆشنبیران و نووسەران و هونەرمەندان، نوێنەرانی حزبە سیاسییەكان ئامادەن.
دیدارەكە بۆ ماوەی دوو ڕۆژ بەردەوام دەبێت، لە ڕۆژی یەكەمدا سێ پانێل بەڕێوەدەچن كە تێیدا گفتوگۆ لەبارەی چەند بابەتێك دەكرێت.
پانێلی یەكەم، خۆی لە سێ بابەتدا دەبینێتەوە، ئەوانیش "كێشەی شوناسی كوردی سەردەم و دەوری ئەرشیڤ لەم بوارەدا، كورد لە سەردەمی ناسیۆنالیزمی خواریزمیدا، گرنگی سیاسییەتی بەهێزمانەوە لە داهاتووی زیرەكی دەست كرد".
پانێلی دووەم، تێیدا ڕۆڵ و گرنگیدانی دامەزراوە كولتووری و ڕۆشنبیرییەكان بە سیاسەتی كولتووری گفتوگۆیان لەبارەوە دەكرێت.
پانێلی سێیەم، باس لە بایەخدانی حكوومەت بە سیاسەتی كولتووری دەكرێت.
هاوكات لە ڕۆژی دووەمیشدا سێ پانێل بەڕێوە دەچن كە تێیدا باس لە میدیا و سیاسەتی كولتووری، شوناسی كۆمەڵایەتی لە فیلمی كوردیدا لە ڕوانگەی تیۆرە كۆمەڵناسییەكانەوە، سینەمای كوردی و ڕەهەندە یاسایی و ئابوورییەكان، ڕەخنەی كولتووری لەخۆ دەگرێت".
پانێلی پێنجەم سیاسەتی كولتووری و نیشتمان، سیاسەتی كولتووری، فەلسەفە وەك سیاسەتێكی كولتووری، چۆن بیر لە سیاسەتی كولتووری بكەینەوە، پڕۆژەی ساغكردنەوە و ناساندن لەسەر نووسینی دەستنووسی زانایانی كورد كە بە زمانی بیانی نووسیویانە.
پانێلی شەشەم كاریگەریی زمانی پەروەردە لەسەر ناسنامەی كولتووری لە ڕوانگەی زانستی زمانی كۆمەڵایەتی كارەكییەوە، تێگەشتن و وێناكردنی ماڵ لای گەنجانی كوردی باشوور، ڕۆڵی سیاسەتی كولتووری لە نیشتمانسازی ئینتیمای نەتەوەیی، سیاسەتی ڕۆشنبیری و گونجاندنی كۆمەڵایەتی لە هەرێمی كوردستان بەرەو چوارچێوەیەك بۆ بنیاتنانی نەتەوە.