ئەو هۆڕمۆنە لە گرنگترین هۆڕمۆنەكانی پیاوە و چەندان ئەركی هەیە، لەوانە پارێزگاریكردن لە ژمارەی سپێرم و پاڵنەری سێكسی و رەقبوونی ئەندامی نێرینە و بەهێزیی ئێسك و ماسولكەكان و گڕی دەنگ و هیتریش، بۆیە كەمبوونەوەی رێژەكەی، بە هاوشێوەی زیادبوونی چەندان كێشە دروست دەكات.
لە هۆكارەكانی، پیری و قەڵەوی و نەخۆشی شەكرە و پێكانی گون و وەرگرتنی هەندێك جۆر دەرمانە
لە هۆكارەكانی كەمبوونەوەی ئەو هۆڕمۆنە، پیری و قەڵەوی و نەخۆشی شەكرە و پێكانی گون و وەرگرتنی چارەسەری شێرپەنجە و شێوانی ژێرمێشكە رژێن، سترێس و ماندووبوون و كاریگەری هەندێك دەرمان و هیتریش، لە كاریگەری و نیشانەكانی:
*كەمبوونەوەی ئارەزووی سێكسی.
*لاوازی و زەحمەتیی رەقبوونی ئەندامی نێرینە.
*خەمۆكی و بێزاری و كێشەی تەركیز و ماندووبوونی بەردوام و گۆڕانی كێش و خواستی خواردن.
*سوورهەڵگەڕان و گەرمابوون و ئارەقەكردن و لەرز و سەرسوڕان و هیڵنج.
*هەڵوەرینی قژ.
*ماندووبوون و داهێزران.
*لاوازی و بچووكبوونەوەی ماسولكەكان.
*زیادبوونی قەبارەی چەوری لەش، بەتایبەتی لە كەمەر و ناوقەد.
*لاوازی و ناسكبوونی ئێسك.
*گۆڕانی میزاج و دەمارگیری و رارایی.
*لاوازیی بیرهاتنەوە و یادەوەری و زۆر لەبیركردن.
*كەمبوونەوەی خەپڵەكانی خوێن و دروستبوونی پەڵە و خوێنبەربوون.
*گۆڕانكاری لە گونەكان و بچووكبوونەوەیان.
*خەوزڕان و شێوانی خەوتن.
*زەحمەتی تەركیزكردن و پەرتەوازەیی مێشك.
*كەمبوونەوەی كانزا و ڤیتامینەكان لە لەش و بێهێزی.
*زیادبوونی مەترسیی تووشبوون بە نەخۆشی دڵ.
*زیادبوونی مەترسیی تووشبوون بە نەخۆشی شەكرە.
*زەحمەتی دابەزاندنی كێش.
*ئەگەری تووشبوون بە نەزۆكی.