سەنتەری بوومەلەرزەزانی ئەوروپای ناوەراست رای گەیاند كە بوومەلەرزەیەكی بەهێز بە گوڕی 6.8 پلەی رێختەر لە قووڵایی 187 كیلۆمەترەوە ئەفغانستانی هەژاند.
بەپێی سەنتەرەكە، چەقی بوومەلەرزەكە هەرێمی هیندۆكشی ئەفغاانستان بووە و بەهۆی بەهێزی بوومەلەرزەكەوە خەڵكی پاكستان كە هاوسنووری وڵاتەكەیە هەستیان بە بوومەلەرزەكە كردووە.
تا ئامادەكردنی ئەم هەواڵە هیچ زیانێكی مادی و گیانی بەشێوەی فەرمی رانەگەیەندراوە، بەڵام بەهۆی بەهێزی گوڕەكەی و خراپی ژێرخانی تەلار و باڵەخانەكانی ئەفغانستان چاوەڕێ دەكرێ زیانی مادی زۆر بەدوای خۆیدا بێنێت.
لە شوباتی مانگی رابردووەوە پلێتەكانی زەوی دووچاری لەرینەوە و بوومەلەرزەی زۆر بوونەتەوە ئەمەیش دوای دوو بوومەلەرزەی وێرانكەری توركیا و سوریا دێت كە لەشەشی شوباتی مانگی رابردوو روویاندا بە پلەكانی 7.7 و 7.6 و بەهۆیەوە تەنیا لە توركیا سەرووی 50 هەزار كەس گیانیان لە دەست داوە.