مەحموود حەفید زادە كەسایەتی دیاری سنووری سلێمانی، سەبارەت بە پرسی نەوت و ڕێككەوتن لەگەڵ حكوومەتی عێراقی چەند خاڵێك دەخاتە ڕوو و ئەوەیش بە سەركەوتن دەزانێت و دەڵێ، شەرعییەتی تەواو بە كوردستان درا.
مەحموود خەفید زادە لە نووسینێكدا دەڵێ، رێككەوتن لەسەر نەوت سەركەوتنێكی گەورەیە بۆ كورد و هەرێمی كوردستان و حكوومەتی هەرێمی كوردستان لە هەناردەكردنی نەوت بەردەوام دەبێت و داهاتی نەوتەكە ڕاستەوخۆ بەبێ هیچ كێشەیەك دەچێتە حیساب بانكی حكوومەتی هەرێمەوە و سەربەخۆ هەڵسوكەوتی پێوە دەكات.
ئەو كەشارەزا و ئاگاییەكی تەواوی لە رەوشی سیاسیی كوردستان هەیە دەڵێ، حكوومەتی هەرێم بەردەوام دەبێت لە دۆزینەوەی كێڵگەی نەوتی نوێ و گرێبەستی نوێ لەگەڵ كڕیارانی نەوتی كوردستان دا ،شانبەشانی حكوومەتی عێراق لەگەڵ كۆمپانیای سۆمۆدا سەر پەرشتی تەواوی پرۆسەكە دەكەن و تەنیا فرۆشتنەكەی لەڕێگەی سۆمۆوە دەبێت كە ئەوەش بۆ حكوومەتی هەرێم كارئاسانیەكە و لەوكۆت و كێشەو ئاستەنگانەی كەپێشتر دەهاتنە سەر ڕێگای ڕزگاری دەبێت.
هەروەها دەڵێ، لە ڕووی سیاسی و یاسای نێودەوڵەتییەوە شەرعیەتێكی تەواو درا بە هەرێمی كوردستان كە بەپێی یاسا دەتوانێت نەوتی خۆی بێ گرفت بفرۆشێت، كە لە پێشتردا زۆربەی وڵاتان ئامادەنەبوون نەوتی كوردستان بكڕن لەبەر چەندان هۆكار و كێشەی یاسایی و سیاسی.
قسەكانی ئەو كەسایەتییە لە كاتێكدایە كە ئێستە هەرێم و بەغدا لە رێككەوتنی كۆتایی لەسەر هەناردەكردنی نەوت نزیك بوونەتەوە، بەتایبەت دوای بریارەكەی پاریس، هاوكات بڕیارە كە لە 48 سەعاتی داهاتوو هەناردەی نەوت دەست پێ بكاتەوە كە بەهۆی ئەو بڕیارەوە وەستابوو.