کاروانێ خزمەتگوزاریێن حکومەتا هەرێما کوردستانێ وەک قوناغا ئێکێ ل هەردوو دەڤەرداریێن ئاکرێ و بەردەرەش دەستپێکر.
د. مەردان زێباری، بەرپرسێ لقێ نەهێ پارتی ل ئاکرێ دیارکر کو ب مەرەما پتر خزمەتکرنا هەمو سێکتەرێن ژیانێ، مەسرور بارزانی، سەروک وەزیرێن حکومەتا هەرێما کوردستانێ رەزامەندی ل سەر 30 پروژەیێن خزمەتگوزاریێن جوراوجور ژبوی خەلکێن هەردوو دەڤەرداریێن ئاکرێ و بەردەرەش و هەمو ناوچەداری و گوندێن سەر ب وانڤە دایە و گوت، مەسروور بارزانی دوو روژان بەری نوکە سەرەدانا هەردو دەڤەرێن ئاکرێ و بەردەڕەش دا، ژ وان پرۆژێن کو بریار ل سەر هاتیەدایی ژ وان 30 پرۆژان، بریار لسەر دامەزراندنا زانکوبوونا ئاکرێ دایە، خەرجکرنا دوو ملیار دیناران بو کرینا ئامیرێن پێتڤی ژبوی کو باشتر و جوانتر خزمەتا وەلاتیان ل رێڤەبەریێن حکومی ل ئاکرێ بهێتە کرن، هەروەسا خەرجکرنا دوو ملیار دیناران بو کرینا ئامیرێن پێتڤی ژبوی کو باشتر و جوانتر خزمەتا وەلاتیان ل رێڤەبەریێن حکومی ل بەردەرەش ژی بهێتە کرن.
زێدەتر گوت، هەر سال ل گەل دەستپێکرنا یاریێن خولێن کوردستانێ یانەیێن ئاکرێ و بەردەرەش و بجیل توشی جەندین گرڤتێن دارایی دبون و گەلەک جاران ژبەر نە هاریکاریکرنا وان ژلایێ ماددی و نەبونا یاریگەهەکا پێتڤی گەڤێن خو ڤەکێشانێ ژ خولان دکرن، بەلێ نوکە بریار ژلایێ سەروک وەزیرێن حکومەتا هەرێمێ ژبوی ئەڤان پروژەیان دەرکەفتیە و یاریگەهێن دینارتە، ئاکرێ و بەردەڕەش دێ هێنە نوژەنکرن ڤە، دیسان دابینکرنا خەرجیێن یانا ئاکرێ یا وەرزشی بۆ سالا داهاتی یا خولا نایابا کوردستانێ و هاریکاریکرنا یانا بجیل یا وەرزشی و پشتەڤانیکرنا گەنج و وەرزشڤانێن ناوچەداریا گردەسێن ب ئەنجامدانا چەندین پرۆژەیێن وەرزش و لاوان.
ناڤبری دیارکر ژی کو وێستگەها کاروانێ دەستپێکرنا خزمەتگوزاریێن حکومەتا هەرێما کوردستانێ ل ئاکرێ و بەردەرەش ب داوی نەهاتیە و جەندین پروژەیێن دی وەک قوناغا دوویێ و سێ یێ د رێزێ دانە و گوت ژی، خەلکێ ڤان هەردوو دەڤەرداریا ژ ڤان خزمەتگوزاریان بێ بەهرببون ژ ئەگەرێن کێشەیێن دارایی و هند کێشەیێن دی، لێ نوکە ئەو هیڤی و داخوازیێن وان ل دەمەکێ نێزیک وەکو قوناغا ئێکێ دێ هێنە بجهـئینان، ب هەماهەنگی ل گەل هەردوو دەڤەردارێن ئاکرێ و بەردەرەش و لایەنێن پەیوەندیدارێن حکومەتا هەرێمێ هەمو بزاڤ و کار کریە ژبوی زێدەتر دابینکرنا پروژەیێن خزمەتگوزاریا بو وەلاتیێن خوشتڤی یێن ڤێ دەڤەرێ.