ب مەرەما پتر خزمەتکرنا نەخوشان ب تایبەتی یێن پەنجەشێرێ، پشکا نەخوشیێن پەنجەشێرێ ل زاخۆ هاتە ڤەکرن.
گوهدار شێخۆ، سەرپەرشتێ ئیدارا سەربخوەیی یا زاخۆ دیارکر کو ژ بۆ پتر خزمەتکرنا خەلکێ سنوورێ ئیدارا سەربەخۆەیی یا زاخۆ ئەڤڕۆ ئەوا پشکا نەخوەشیا پەنجەشێرێ ل زاخۆ ڤەکر و گوت، نەخوشخانە ل سەر راسپاردێن جەنابێ مەسروور بارزانی سەرۆکێ حکومەتا هەرێما کوردستانێ وەکو گرنگیدان ب هەموو سێکتەران ب تایبەت سێکتەرێ تەندروستی ل سنوورێ ئیدارا سەربەخۆ یا زاخۆ، هاتیە دروستکرن و ڤەکرن ، هەر دکەڤیتە ناڤا نەخوشخانا زاخۆ یا گشتی دا، داکو پتر خزمەتا نەخوەشخان بهێتەکرن.
هەموو ئامیرێن پێدڤی ژ بو نەخوشخانێ هاتینە دابینکرن بو هندێ بشێن ل ئاستێ پێدڤی خزمەتا نەخوشان بهێتەکرن، شێخوی گوت ژی، کار و پروژە ل دەڤەرا زاخۆ بەردەوامن.
زاخۆ ئیدارەییەکا نوو یا پارێزگەها دهۆکێ یە و پێدهێت ل ناڤەندا زاخۆ و قەزا باتیفا ل گەل سێ ناحیێن بێگوڤا، دەرکار و رزگاری و پتری 250 هزار کەس تێدا دژین.