پشکەک ژ وان کەسێن کو شوقە ل هەردوو پرۆژێن ئارام ستی و هێژا ستی ل سەنتەرێ باژێرێ دهوکێ کری، دەما چەند سالایە ئاریشە ل گەل پرۆژەی هەیی، دخوازن ئاریشەیێن بهێتە چارەسەرکرن و مافێ وان نەهێتە خوارن، د نوکە دا کار بۆ چارەسەرکرنا ئاریشا هەردوو پرۆژان دهێتەکرن ب ڕێیا دادگەهێ.
فەلاح حاجی، بەرپرسێ ڕاگەهاندنا رێڤەبەریا گشتی یا وەبەرهێنانێ ل پارێزگەها دهۆکێ دیارکر کو دنوکە دا کار بو چارەسەرکرنا ئاریشا ئاکنجیبویێن هەردوو پڕۆژێن ئاکنجیبوونێ ل باژێرێ دهوکێ یێن ئارام ستی و هێژا ستی دهێتەکرن و گوت، ب گورەی نڤێسارا دهستهییا وهبهرهێنانێ یا فهرمانگهها بهرێكردن و ههلسهنگاندن و مولهت دانێ یا هژماره 2289)ل ڕێکەفتی 10/5/2023 کو ئاماژە دایه نڤێسارێن خوە یێن هژمار 6040 و 6059 ل ڕێکەفتی 2/12/2022 كو هاتیه راوهنهكرن بو پارێزگەها دهوکێ و کاروبارێن کارگێری، دیسا ئاماژە ب نڤێسارا پارێزگەها دهوکێ یا هژمار گ12/2454 ل ڕێکەفتی 12/4/2023 دکەت، وەلاتی دشێن داخوازا مافێن خوە بکەن.
زێدەتر گۆت، ئەم وەکو رێڤەبەریا گشتی یا وەبەرهێنانێ ل پارێزگەها دهۆکێ، ئاگههداریا ههموو هاولاتیێن خوشتڤى دكهین ئهوێن داخوازا مافێ خوە كرێن د ههردوو پروژێن ئاكنجیبونێ یێن ئارام ستى و هێژا ستى کو داخوازا قهرهبوكرنێ كرى ب دانا شوقهیان، ناڤێن ئهوان دناڤ لیستا قهرهبویاندا یێن ههردوو پروژێن ئاكنجیبونێ یێن ناڤبری دا نههاتینه چهسپاندن ل رێڤهبهریا گشتى یا وهبهرهێنانێ ل پارێزگهها دهۆكێ، پێدڤیه ل سهر وان هاولاتیان سهرهدانا دادگههێ بكهن بو داخازكرن مافێ خوە داکو ێ بەهر نەبن.
هەردوو پرۆژین ناڤبری پتری دەهـ سالە دەست ب چێکرنا وان هاتیەکرن، بەلێ ژبەر چەند ئەگەران کار د چێکرنا وان دا ددەما خوە دا نەهاتە دروستکرن و ئاریشە بو وەلاتیان دروست بوینە، ئەو کەسێن کو شوقە ل وان پرۆژان کرین چەندین جاران ب رێیا خرڤەبونان داخواز دکر کۆ مافێ وان نەهێتە خوارن.