پەیامی پیرۆزبایی سەرۆک بارزانی بە بۆنەى جەژنی قوربان

:: PM:07:41:15/06/2024 ‌
سەرۆک بارزانی بە بۆنەی جەژنی قوربان پەیامێکی پیرۆزبایی بڵاو کردەوە.

دەقى پەیامی سەرۆك بارزانی بە بۆنەی جەژنی پیرۆزی قوربان:

بەناوی خودای مەزن و دلۆڤان

بە بۆنەی هاتنەوەی جەژنی پیرۆزی قوربانەوە گەرمترین پیرۆزبایی خۆم ئاراستەی موسڵمانانی كوردستان و عێراق و جیهان دەكەم. پیرۆزبایی لە خانەوادەی سەربەرزی شەهیدان و پێشمەرگە قارەمانەكان و هاووڵاتییانی خۆشەویستی كوردستان دەكەم.

لەم بۆنە پیرۆزەدا لە خودای مەزن داواكارم خێر و خۆشی و ئارامی بۆ خەڵكی كوردستان بێنێتە دی و، ئەو جەژنە پیرۆزە ببێتە هۆی بەرقەراربوونی ئاشتی و سەقامگیری لە ناوچەكەمان و هەموو جیهاندا.

جەژنتان پیرۆز بێت و بمێنن بە خێر و خۆشی.


وشە - وشه‌