دەست پێ كردنی ڕۆژەكە بە نانێكی بەسوودى بەیانی زۆر گرنگە بۆ پاراستنی تەندروستیی گشتی، تێكەڵكردنی پڕۆتین لە ژەمی بەیانیانتدا دەتوانێت سوودی بەرچاوی هەبێت و دەبێتە هۆی باشتربوونی ئاستی وزە و سەقامگیركردنی باری دەروونی و باشتركردنی میتابۆلیزم.
چی بەسەر جەستەدا دێت كاتێك دەست دەكەین بە خواردنی پڕۆتین لە نانی بەیانیدا؟
پڕۆتین یارمەتی خاوكردنەوەی مژینی كاربۆهیدراتەكان دەدات، كە لەوانەیە ڕێگری بكات لە بەرزبوونەوەی شەكری خوێن و كەمكردنەوەی ماندوێتی و ڕێگریكردن لە دابەزینی وزە، كە زۆرجار دوای نانی بەیانی كاربۆهیدراتی زۆرە لەگەڵ ئاستی هاوسەنگی شەكری خوێن.
بە خواردنی پڕۆتینی پێویست لە ژەمى بەیانیدا، دەبێتە هۆی باشتربوونی باری دەروونی و وەڵامدانەوەی باشتر بۆ گوشاری دەروونی، ئەمەیش دەتوانێت یارمەتیدەر بێت لە کۆنتڕۆڵکردنى دڵەڕاوكێ و فشاری دەروونی بە شێوەیەكی كاریگەرتر بە درێژایی ڕۆژ.
خستنەڕووی پڕۆتین لە نانی بەیانیدا، دەتوانێت یارمەتیت بدات بۆ بەرزكردنەوەی میتابۆلیزمی گشتی، بە دەست پێ كردنی ڕۆژەكە بە ژەمێكی دەوڵەمەند بە پڕۆتین، دەتوانیت توانای جەستەت بۆ سووتاندنی كالۆری زیاد بكەیت، كە دەتوانێت سوودی هەبێت بۆ هاوسەنگیی كێش و تەندروستیی میتابۆلیزم.
نانی بەیانیی پڕپڕۆتین، دەتوانێت هەستكردن بە تێربوون و تێربوون زۆر بەرز بكاتەوە، چونكە پڕۆتین كاتێكی زیاتری دەوێت بۆ هەرسكردن لە چاو كاربۆهیدراتەكان، ئەمەیش واتە هەست بە تێری دەکەیت بۆ ماوەیەكی زیاتر.