نوژدارەكێ باژێرێ دهۆكێ وەك باشترین نوژدار ل عێراقێ هاتە دیاركرن، پاشی د رێوڕەسمەكێدا ژلایێ ریكخراوا WOHR یا نیڤدەولەتی هاتە خەلاتكرن.
د. ئەفراسیاب مووسا رێڤەبەرێ گشتی یێ ساخلەمیا پارێزگەها دهۆكێ، دیاركر كو جهێ شانازیێ یە نوژدارەكێ دهۆكێ ب باشترین نوژدار ل عێراقێ بهێتە دەستنیشانكرن و خەلاتكرن و گوت: پرۆفیسۆر د. شاكر سەلیم بالندی، ژبەر كارێن وی یێن مروڤایەتی، ب خوشحالیفە د رێوڕەسمەكێ دا ژلایێ رێكخراوا جیهانی یا مافێ مروڤی، ب قەلەغانێ رێز و سوپاسیێ وەك ئێكەمین نوژدار ل عێراقێ و كوردستانێ هاتە خەلاتكرن.
زێدەتر گوت: ئەم ب ناڤێ رێڤەبەرییا گشتی یا ساخلەمیا پارێزگەها دهۆكێ، پیروزباهێی ل وی دكەین و ئومێدەوارین سەركەفتی بیت و لسەر كارێن خۆ یێن مرۆڤایەتی بەردەوام بیت بۆ خزمەتا گەل و وەلات و كەرتێ ساخلەمیێ.
دهێتە زانین پرۆفیسۆر دكتۆر شاكر بالندی تایبەتمەندێ گولچیسكایە، نوكە ژی وەك رێڤەبەرێ سەنتەرێ دهۆك یێ تایبەتمەند یێ نەخوشیێن گولچیسكا كار دكەن، هەڤدەم وەك نوژدار ژی ل ئێك ژ كلینیكێن دهۆكێ كار دكەت بۆ خزمەتا نەخوشان.
دهۆك، نەوزاد هلۆری: