نێچیرڤان بارزانی سەرۆكی هەرێمی كوردستان، پرسەنامەیەكی بڵاو كردەوە و تێیدا هاتووە، سەرەخۆشی لە خانەوادەی دڵسۆزی خوالێخۆشبوو بەدرۆ لەشكری بێستریانەیی پێشمەرگەی دێرین و هاوەڵی بارزانیی نەمر بۆ یەكێتیی سۆڤییەت دەكەم.
ئەمڕۆ سێَشەم 15ـی نیسان، لە پرسەنامەیەكی نێچیرڤان بارزانی سەرۆكی هەرێمی كوردستاندا هاتووە، سەرەخۆشی لە خانەوادەی دڵسۆزی خوالێخۆشبوو بەدرۆ لەشكری بێستریانەیی پێشمەرگەی دێرین و هاوەڵی بارزانیی نەمر بۆ یەكێتیی سۆڤییەت دەكەم. لە دڵەوە هاوسۆز و هاوخەمیانم. لە خوای مەزن داواكارم گیانی بە بەزەیی و میهرەبانیی خۆی شاد بكات و ئارامی و دڵنەوایی بە هەمووان ببەخشێت.
لە پرسەنامەكەیدا ئەوەش هاتووە، خوالێخۆشبوو وەك پێشمەرگە و نیشتمانپەروەر و دڵسۆزێكی گەل و وڵاتەكەی، هەموو تەمەنی خۆی بۆ خزمەتی كوردستان بەسەر برد و لە چەندان داستان و قارەمانیەتیی تێكۆشەرانی كوردستاندا بەشدار بووە. گیانی شاد و یادی هەمیشە بە خێر بێت.