نێچیرڤان بارزانی سەرۆكی هەرێمی كوردستان، پێشوازیی لە خاتوو كریستیانە هۆمان باڵوێزی ئەڵمانیا لە عێراق كرد.
بەگوێرەی راگەیەنراوی سەرۆكایەتیی هەرێمی كوردستان، لە كۆبوونەوەیەكدا دووپاتیان لە برەودان بە پێوەندییەكانی ئەڵمانیا لەگەڵ عێراق و هەرێمی كوردستان و فراوانكردنی هاریكاریی هاوبەشی نێوانیان لە هەموو بوارەكاندا كردەوە، هەروەها لەبارەی دۆخی عێراق و هەرێمی كوردستان، هەوڵەكانی پێكهێنانی كابینەی نوێی حكوومەتی هەرێمی كوردستان و پێوەندییەكانی هەولێر ـ بەغدا، بیروڕایان گۆڕییەوە.
لە تەوەرێكی تری كۆبوونەوەكەدا، باسیان لە دوایین پێشهاتەكانی ڕۆژهەڵاتی ناوەڕاست و مەترسییەكانی تیرۆر و بەردەوامیی هەڕەشەكانی داعش كرد.
لەمبارەیەوە هەردوولا كۆك بوون لەسەر ئەوەی ئارامی و سەقامگیریی ناوچەكە بپارێزرێت و كێشە و ناكۆكییەكان، ئاشتییانە چارەسەر بكرێن.
دۆخی سووریا و چەند پرسێكی تری جێی بایەخی هەردوولا، لایەنێكی تری كۆبوونەوەكە بوو.