کەمێک لەمەوبەر یانەى دهۆک بەرانبەر یانەى قادسیەى کوێتى بە ئەنجامى دوو گۆڵ بەرانبەر یەک گۆڵ سەرکەوتنى بەدەستهێنا و توانى بۆ یەکەمجار ببێتە خاوەنى جامى کەندا، بەم بۆنەیەوە نێچیرڤان بارزانى سەرۆکى هەرێمى کوردستان پەیامێکى پیرۆزبایی بڵاو کردەوە.
ئەمە دەقى پەیامەکەى سەرۆکى هەرێمى کوردستانە:
ژ دل و ب گه‌رمى پیرۆزباهیێ ل یانه‌یا دهۆكێ یا خۆشتڤى دكه‌م بۆ سه‌ركه‌فتنا وێ یا ئه‌ڤرۆ کو بۆ جارا ئێکێ، بوو قه‌هره‌مانا جاما كه‌نداڤێ. وان ب ڤێ سه‌ركه‌فتنێ و ڤێ یارییا جوان و بهێز، دلێ مه هه‌میا ل كوردستانێ و سه‌رانسه‌ری عێراقێ شاد كر. ئه‌م هه‌مى شانازیێ ب یانه‌یا دهۆكێ و ڤێ سه‌ركه‌فتنێ دكه‌ین.
ئێك ب ئێك ده‌ستخۆشیێ ل هه‌مى یاریزان و به‌رپرسیارێن یانه‌یا دهۆكێ دكه‌م كو جهێ سپاسى و پێزانین و شانازییا كوردستانێ و هه‌مى عێراقێنه. هیڤیا گه‌له‌ك سه‌ركه‌فتن و بده‌ستئێخستنا گه‌له‌ك جامێن دى بۆ وان دخازم.
هه‌ر بژین، هه‌ر هه‌بن، هه‌ر سه‌ركه‌فتى بن.
نێچیرڤان بارزانى
سه‌رۆكێ هه‌رێما كورستانێ
2025/4/15