وەزارەتی پێشمەرگەی حكوومەتی هەرێمی كوردستان بڵاوی كردەوە، سبەی چوارشەم هاوكاریی هاوپەیمانان بەسەر هێزەكانی پێشمەرگەدا دابەش دەكرێت.
وەزارەتەكە بڵاوی كردەوە كە هاوكاریی دارایی هاوپەیمانان بۆ مانگی پێنج، تەمویلی وەزارەتی پێشمەرگە دەكرێت و دوای ئەنجامدانی رێكارەكان، رۆژی پێنجشەم دەست دەكرێت بە دابەشكردنی بەسەر ئەفسەر و پێشمەرگەكانی سەربە دیوانی وەزارەت و یەكەكانی سەربە وەزارەتی پێشمەرگە.
ئاماژە بۆ ئەوەیش كراوە كە لەم مانگەدا، 61 هەزار و 375 ئەفسەر و پلەدار و پێشمەرگە بە سیستمی پڕۆژەی هەژماری من، هاوكاریی هاوپەیمانان وەردەگرن، ئەمەش دەرخەری بەرەوپێشچوونی سیستمی پێدانی هاوكارییە لە وەزارەتی پێشمەرگە بەشێوەی ئەلیكترۆنی.