ددەما حەفت هەیڤێن بوری دا نێزیکێ 129 هزار تەنێن بەرهەمێ خومالیێ سنورێ پارێزگەها دهۆکێ هاتینە هنارتن بۆ عیراقێ و بەرهەم ژی د زێدەبوونێ دایە.
ئەحمەد جەمیل، رێڤەبەرێ گشتیێ یێ چاندنێ ل پارێزگەها دهوکێ بۆ "وشە" گوت، ب مەرەما پشتەڤانیكرنا كەرتی چاندنێ و ساغكرنا بەرهەمێ جوتیارێن ناڤخۆ، وەکو ڕێڤەبەریا گشتی یا چاندنێ بەردەوامێن ل سەر بجهئینانا ئەركێن خۆ و پشتهڤانیکرنا بەردەوام یا جوتیاران.
زێدەتر گوت، لدوف دوماهی ئامار و داتایێن هاتینە تۆماركرن ل سەر ئاستێ قەزایێن پارێزگەها دهۆكێ، دهۆک، شێخان، بەردەڕەش، ئاكرێ، سێمێل، دهۆك، هژمارا گشتی یا بەرهەمێ ناڤخۆیی یێ هاتیە هنارتن بۆ ناڤەڕاست و باشوورێ عیراقێ ل سالا 2026ێ دا ئانکو د حەفت هەیڤێن بوری دا، گەهشتیە نێزیکێ 129 تەنان.
ناڤبری دیارکر ژی کو کۆما گشتی یا بەرهەمێ خومالی یێن هاتیە هنارتن دبیتە 128 هزار و 805 تەنان، هەر تنێ ل هەیڤا بوری 63 هزار و 624 تەن بوون، پشكا شێرێ یا بەرهەمان پتات بوون ل گەل بەرهەمێن دی یێن وەكی و خیار و تەماتە و ترۆزی و كۆمەكا دی یا بەرهەمێن جۆراوجۆر وەکو پیڤاز، باجان، بامی، گەنمەشامی، و هتد.
زورترین بەرهەمێ پارێزگەها دهوکێ ژی دچیتە باشور و ناڤەراستیا عیراقێ، هەموو ئاسانکاری ب تایبەتی نڤیسار و پشتگیری بۆ هنارتنا بەرهەمێ جوتیاران هاتیەکرن.