ئەمڕۆ چوارشەم پێنجی ئابی 2026، مەسروور بارزانی سەرۆکی حكوومەتی هەرێمی کوردستان، لە پێوەندییەکی تەلەفۆنیدا، سەرەخۆشیی لە بەیان سامی عەبدولڕەحمان، ڕاوێژکاری باڵای سەرۆکی حكوومەت بۆ کاروباری دەرەوە و گۆڕانی کەشوهەوا کرد، بۆ کۆچی دواییی هاوسەرەکەی، هونەرمەند و شانۆکاری کورد، موزەفەر شافعی.
سەرۆکی حكوومەت پرسە و سەرەخۆشی و هاوخەمیی خۆی پێ گەیاند و هیوای خواست خودای مەزن گیانی بە بەهەشت شاد بکات و ئارامی و دڵنەواییش بە بنەماڵەکەیان ببەخشێت.
لە بەرانبەردا، بەیان سامی عەبدولڕەحمان، سوپاس و پێزانینی خۆی و بنەماڵەکەی بۆ پێوەندی و هاوخەمیی سەرۆکی حكوومەت دەربڕی.