كاندیدی دیموكراتەكان بەگوێرەی ئامار و پێوانەكردنەكانی ڕای گشتی، رۆژ دوای رۆژ نزیك دەبێتەوە لە گەیشتن بە كۆشكی سپی و دوای یەكەم ڕووبەڕووبوونەوەشی لەگەڵ دۆناڵد ترامپ، رێژەی دەنگەكانی بەرەو سەرەوە هەڵكشاوە و زۆرتر پێش دۆناڵد ترامپی كاندیدی كۆمارییەكان كەوتووە.
بەگوێرەی دوا پێوانەكانی ڕای گشتیی ئەمەریكا، كلینتۆن ئێستە رێژەی 43% دەنگەكانی ئامار و پێوانەكردنەكانی خەڵكی ئەمەریكای مسۆگەر كردووە و لە بەرامبەریش دۆناڵد ترامپ 40%ی بەدەست هێناوە، ئەمەش بەپشتبەستن بە پێوانەكردنەكانی كەناڵی "فۆكس نیوز"ی ئەمەریكی.
پێش دەست پێكردنی یەكەم ڕووبەڕووبوونەوە لە نێوان كلینتۆن و ترامپ، هیلاری كلینتۆن بە رێژەی 1% لە پێش دۆناڵد ترامپەوە بوو، بەڵام ئێستە 2%ی تری زیاد كردووە.
لە رۆژانی ڕابردوو دۆناڵد ترامپ و هیلاری كلینتۆن لە دیبەیتێكدا ڕووبەڕووی یەكتر كرانەوە و بەشێوەیەكی توند رەخنەیان لە یەكتر گرت.
وشە/ئەلعەرەبیە، و:باز.