سهرچاوهیهك له هاوپهیمانی دهوڵهتی یاسا ئاشكرای كرد، سهرۆكی هاوپهیمانی دهوڵهتی یاسا ڕهزامهندی دهربڕیوه له چوونه ناو هاوپهیمانی لهگهڵ هاوپهیمانی سائیروونی سهر به موقتهدا سهدر و هاوپهیمانی فهتح به سهرۆكایهتی هادی عامری، ئێوارهی ئهمڕۆیش عامری و مالیكی بۆ ئهو مهبهسته كۆ دهبنهوه.
سهرچاوهیهك له هاوپهیمانی دهوڵهتی یاسا به پێگهی "
بغداد الیوم"ی ڕاگهیاند، بڕیاره ئێوارهی ئهمڕۆ چوارشهم هادی عامری سهرۆكی هاوپهیمانی فهتح سهردانی نووری مالیكی سهرۆكی هاوپهیمانی دهوڵهتی یاسا دهكات و تاوتوێی چوونی هاوپهیمانی دهوڵهتی یاسا بۆ ڕیزی ئهو هاوپهیمانییه دهكهن، كه دوێنێ عامری و سهدر ڕایان گهیاند.
ئاماژهی دا، كۆبوونهوهكهی عامری و مالیكی بۆ ئامادهسازی دهبێ، تا زهمینهسازی بۆ دیداری نێوان موقتهدا سهدر و نووری مالیكی بڕهخسێنرێ، نووری مالیكی ڕهزامهند لهسهر چوونی بۆ ناو هاوپهیمانیییهكه و له داهاتوویهكی نزیكیش ئهوه به فهرمی ڕادهگهیهنرێت.
پێشتر موقتهدا سهدر به توندی دژی بهستنی هاوپهیمانی بوو لهگهڵ هاوپهیمانی دهوڵهتی یاسا به سهرۆكایهتی نووری مالیكی، بهڵام پێشبینی دهكرێ، به فشاری قاسم سولهیمانی ههموو لایهنه شیعهكان له سووربوون و ناكۆكییهكانیان پهشیمان بوونهتهوه، یهكڕیزی ناوماڵی شیعه دروست دهكهنهوه.
ئێوارهی دوێنێ سێشهم موقتهدا سهدر و هادی عامری له كۆنگرهیهكی ڕۆژنامهوانی، هاوپهیمانی نێوان هاوپهیمانی سائیروون و هاوپهیمانی فهتحیان ڕاگهیاند، میدیاكان هۆكاری نزیكبوونهوهی لیسته شیعهكان و ڕاگهیاندنی هاوپهیمانی نێوانیان بهو خێراییه بۆ سهردانی قاسم سولهیمانی فهرماندهی فهیلهقی قودسی سوپای پاسداران دهگهڕێننهوه كه له ڕۆژی دووشهمی ئهم ههفتهیهوه گهیشتووهته عێراق، تا ڕێگری له بهیهكدادانی نێوان شیعهكان بكات، لهوكاتهی گرژییهكانی نێوانیان گهیشتبووه لووتكه.