ئەو زریانەی لە ویلایەتی فلۆریدای ئەمەریكا هەڵی كردووە، بە بەهێزترین زریان و رەشەبا لە 80 ساڵی رابردوو و سێیەم زریان لە مێژووی جیۆگرافی ئەمەریكا هەژمار دەكرێت.
سەرەتا زریانەكە ناوچەكانی باكوری رۆژهەڵاتی كەنارئاوییەكانی فلۆریدای گرتەوە و خێرایی ئەو بایەش سەرووی 250 كیلۆمەتر لە سەعاتێكدا بوو.
بەرپرسانی ویلایەتی فلۆریدا لەبارەی بارانێكی بەهێز لەگەڵ ئەو زریانە هۆشداری دەدەن و پێشبینی دەكەن زیانی زۆری بەدواوە بێت.
تا ئێستە زریانەكە ژمارەیەكی زۆری خانوو و باڵەخانەی رووخاندووە و زیانی بە دار و ژینگە گەیاندووە.
هاوكات "
بی بی سی" بڵاوی كردەوە، زریانەكە بووەتە هۆی پچڕانی كارەبا لەسەر 250 هەزار ماڵ. پێشتر داوا لە خەڵك كرابوو ئەگەر كەوتوونەتە رێڕەوی زریانەكە ماڵەكانیان جێبهێڵن و كاتێكیش زریانەكە گەیشتە ناوچەی ئاوەدانی داوا لە خەڵك كرا هیچ دەرفەتێكیان بۆ هەڵاتن نییە و وا باشە هەر لە ماڵەكانیان بمێننەوە.
بەگوێرەی پێشبینی پسپۆڕانی كەشناسی هەر بە هۆی ئەو زریانە لە هەندێك ناوچە ئاوی دەریا تا سێ مەتر بەرز دەبێتەوە.