مارسیدس بێنز كه یه‌كێكه له كۆمپانیا به‌ناوبانگه‌كانی دنیا بۆ دروستكردنی ئۆتۆمبێلی به‌هێز له نوێترین كاریدا ناوازه‌ترین جۆری ئۆتۆمبێلی نمایش كرد كه ئه‌وه‌یش مارسیدس بێنزی "G-Class"ه.
هه‌واڵیك كه له ماڵپه‌ڕی "
kbb" دا بڵاو كراوه‌ته‌وه، باس له نوێترین به‌رهه‌می مارسیدس ده‌كات و ئاماژه‌ی پێ داوه، كۆمپانیای مارسیدس بێنزی ئه‌ڵمانی له نوێترین كاریدا هه‌ستا به ئاشكرا كردنی دیزاینی نوێترین ئۆتۆمبێلی خۆی له پێشانگا جیهانییه‌كان.
جگه له‌وه‌یش كۆمپانیاكه له‌باره‌ی تایبه‌تمه‌ندییه‌كانی ئه‌م ئۆتۆمبیله‌وه چه‌ند روونكردنه‌وه‌یه‌كی داوه و گوتویه‌تی، مارسیدس بێنزه نوێیه‌كه خاوه‌نی دیزاینێكی زۆر جیاواز و ناوازه‌یه، هه‌روه‌ها له‌رووی هێزیشه‌وه گوڕانكارییه‌كی زۆری تێدا كراوه به‌تایبه‌ت بزوێنه‌ره‌كه‌ی كه كراوه‌ته 4.0 لیتر و نۆ خێرایی جیاوازیشی هه‌یه، ئه‌وه‌یش گوتراوه كه سه‌ره‌تای ساڵی نوێ ده‌خرێته بازاڕه‌وه.
كۆمپانیاكه ئه‌وه‌شی روون كردووه‌ته‌وه كه ئه‌م ئۆتۆمبێله خاوه‌ن هه‌شت گێره و بزوێنه‌رێكی به‌‌هێزی هه‌یه و به شێوازێكی به‌هێز دروست كراوه به دیزاینێكی جیاوازه‌وه، هه‌روه‌ها ده‌رباره‌ی نرخه‌كه‌شی كۆمپانیاكه ده‌ڵێت، نرخی ئه‌م ئۆتۆمبێله ده‌گاته 123 هه‌زار و 900 دۆلاری ئه‌مه‌ریكی.