بەڕێوەبەرایەتیی پۆلیسی پارێزگای سلێمانی ئاشكرای دەكات كە هێزەكانیان لە بەرواری 30ی كانوونی دووەمی 2019 تا پێنجی شوباتی 2019 هەڵمەتێكیان دەست پێ كرد بەمەبەستی گرتنی ئەو ئافرەتانەی كە لە ناوچەی پیشەسازی و ترافیك لایتی دووڕیانەكە بەبیانوی سواڵكردن رادەوەستن و كاری نەشیاو دەكەن و بوونەتە مایەی بێزاری هاووڵاتیان.
ئەمڕۆ سێشەم 19ـی شوبات، بەڕێوەبەرایەتیی پۆلیسی پارێزگای سلێمانی بڵاوی كردۆتەوە، هێزەكانی پۆلیسی سلێمانی لەبەرواری ۳۰-۱-۲۰۱۹ تا ٥-۲-۲۰۱۹ هەڵمەتێكیان دەست پێ كرد بەمەبەستی گرتنی ئەو ژنانەی كە لەناوچەی پیشەسازی سلێمانی و ترافیك لایتی دوو ڕیانەكەی سەرچنار بەبیانووی سواڵكردن و دەرۆزەكردن ڕادەوەستن و كاری نەشیاو دەكەن و بونەتە مایەی بێزاری هاووڵاتیان.
پۆلیس ئاشكرای كردووە، هێزەكانی پۆلیس(۲۰) تۆمەتباریان گرت كەسەرجەمیان ژنن، لەئێستەدا بەفەرمانی بەڕێز دادوەر و بەپێی مادەی ۳۹۰ لەیاسای سزادانی عێراقی بەندن.
ئاماژە دراوە، هەڵمەتە بەردەوام دەبێ لەسەرجەم شوێن و شەقامەكانی ناوشاری سلێمانی بەتایبەت ترافیك لایتەكان، بەمەبەستی بنەبڕكردنی ئەو دیاردەیە.