له كۆبوونه‌وه‌ی نێوان مه‌سروور بارزانی سه‌رۆك وه‌زیرانی كوردستان و سه‌رۆكی ده‌سته‌ی حه‌شدی شه‌عبی دووپات له چاره‌سه‌ركردنی كێشه‌كانی نێوان هه‌رێمی كوردستان و حكوومه‌تی عێراق كرایه‌وه.
گۆڕانكاری و پێشهاته‌كانی عێراق و ناوچه‌كه و گرنگیی هاوئاهه‌نگی ته‌ناهیی تاوتوێ كرا
ئه‌مڕۆ یه‌كشه‌م چواری ئۆكتۆبه‌ر، به‌گوێره‌ی راگه‌یه‌نراوێكی حكوومه‌تی هه‌رێمی كوردستان، مه‌سروور بارزانی، سه‌رۆكی حكوومه‌تی هه‌رێمی كوردستان، پێشوازی له فالح فه‌ییاز سه‌رۆكی ده‌سته‌ی حه‌شدی شه‌عبی و فه‌ریق روكن عه‌بدولئه‌میر یاره‌ڵڵا، سوپاسالاری عێراق كرد.
وه‌ك له راگه‌یه‌نراوه‌كه‌دا هاتووه، له دیداره‌كه‌دا گۆڕانكاری و پێشهاته‌كانی عێراق و ناوچه‌كه و گرنگیی هاوئاهه‌نگی ته‌ناهیی تاوتوێ كرا بۆ رووبه‌ڕووبوونه‌وه‌ی هه‌ڕه‌شه‌كانی تیرۆریستانی داعش، به‌تایبه‌تی له ناوچه كوردستانییه‌كانی ده‌ره‌وه‌ی ئیداره‌ی هه‌رێم.
هاوكات دووپات له چاره‌سه‌ركردنی كێشه‌كانی نێوان هه‌رێمی كوردستان و حكوومه‌تی عێراق كرایه‌وه له سه‌ر بنه‌مای ده‌ستوور.