ههر چهنده ب شێوهیهكێ گشتى دهڤهرا ئاكرێ پێدڤى ب چهندین پرۆژایه، بهلێ ژبهر قهیرانان وهكو پێدڤى پرۆژه نههاتینه چێكرن، ژ گرنگترین وان پرۆژان ژى چێكرنا پرۆژێ ئاڤا ستراتیجى یا دهڤهردارییا ئاكرێ یه كو چهندین ساله وهكو خوه ب نیڤهرو مایه.
د سهرهدانهكێ دا بۆ دهڤهرا ئاكرێ، پارێزگارێ دهۆكێ ژ نێزیك هایدارێ گل و گازنده و خزمهتگۆزارى و پرۆژێن پێدڤى بوو ل دهڤهرێ، دكۆمبوونهكێ دا دهڤهردارێ ئاكرێ و رێڤهبهرێن فهرمانگههێن میرى راپورت ل دور كێم و و كاسیێن فهرمانگهها وپێدڤیێن خهلكێ ئاكرێ ب پرۆژێن خزمهتگوزارى بهرچاڤكرن.
پارێزارێ دهۆكێ دیاركر كو ب گورهى راسپاردێن سهروكێ حكومهتا ههرێما كوردستانێ ئهو هاتینه دا ژنێزیك ههموو كێم و كاسیان و پێدڤیێن خهلكێ دهڤهرێ ب پرۆژێن خزمهتگوزارى بزانین و یا دشیان دا بهێنه ئهنجامدان ب تایبهتى ئهو پرۆژێن فهر وگرێداى ب ژیانا رۆژانه یا هاولاتیانڤه.
ژ گرنگترین وان پرۆژان ژى كو ب نیڤهرۆ ماینه، پرۆژێ ئاڤا ئاكرێ یێ ستراتیجى یه كو ل سهر روبارێ زێى مهزن ژلایێ حكومهتا ههرێما كوردستانێ ل ساڵا 2013ێ دهست ب ئهنجامدانا وێ كریه، بهلێ ژبهر قهیرانا دارایى پرۆژه هاتبویه گیروكرن و كابینا نوو یا حكومهتا كوردستانێ كوژمێ 18 ملیار دیناران تهرخانكرینه بو تماكرنا پرۆژهى و كوژمێ گشتى یێ پرۆژهى دگههیته 110 ملیار دینارا، د نوكه دا 62% هاتیه ئهنجامدان درێژیا پرۆژهى دبیته 42 كم، ژبلى ناڤهندا ئاكرێ، ههڤدهم 18 گوندێن دهوروبهر دێ مفاى ژێ وهرگرن، پارێزگارێ دهۆكێ دوپات كر كو سهروكێ حكومهتا كوردستانێ رازیبونا خوه دیاركریه بو تمامكرنا پرۆژێ ئاڤا ئاكرێ و پاره بو هاتیه تهرخانكرن و ددهما سالهكێ دا دێ كهڤیته دخزمهتا خهلكێ دهڤهرێ دا.