وەك بڕیار بوو ئەمشەو دانیشتنی متمانەدان بە كابینەی حكوومەتی مستەفا كازمی بێتە سازكردن، سەرچاوەكانی هەواڵ دووپاتیان كردەوە كە كازمی و كاندیدانی كابینەی حكوومەتەكەی گەیشتوونەتە تەلاری پەرلەمانی عێراق، بۆ بەشداریكردنی لە دانیشتنی متمانەدان، لەناو بوونی زانیاری بە گۆڕانكاری لە لیستی كاندیدانی حكوومەتەكەی.
وادەی دەنگدان بە حكوومەتی كازمی نزیك بووەوە
زانیارییەكان ئاماژە دەكەن كە بەر لە وادەی دەست پێكردنی دانیشتنی پەرلەمان، كازمی و كاندیدانی كابینەی حكوومەتەكەی ئامادەی پەرلەمان بوونە، كە بەپێی زانیارییەكان ناوی 20 كاندیدی رەوانەی پەرلەمان كردبوو، جگە لە هەردوو وەزارەتی نەوت و دەرەوە.
سەرچاوەیەكیتر دووپاتی كردەوە كە بەهۆی گوشاری هێزە سیاسییەكان، مستەفا كازمی گۆڕانكاری لە ناوی ژمارەیەك لە كاندیدانی حكوومەتەكەی كردووە، لەوانە لە پۆستەكانی داد و كار.