دەما چەند روژایە ب سەدەما شەر وئالوزیێن دناڤەکبەرا پەکەکە و تورکیا، ئاگر ب گوندێ بێدوهێ یێ گرێدای ناحیا کانی ماسێ کەفتی و پتری 100 رەزێن بەرهەمدار یێن بەرهەمێ خومالی سوتنە.
مەجید بەرواری وەلاتیەکێ گوندێ بێدوهێ یێ سەر ب ناحیا کانی ماسێ یە سەبارەت بابەتی گوت، دەما چەند روژایە بالەفرێن تورکیا شەرێ خۆ ئێخستیە گوندێ مە و مخابن دڤان روژان دا ب سەدەمێ شەر و بوردمانان پتری 100 رەزێن بەرهەمداریێن بەرهەمێ خومالیێ تری و دەرامەت و سماق و بەرهەمێن جودا سوتنە، زێدەباری سوتنا پوش و پاوان ودارستانان کو ئالفێ ئاژەلایە.
زێدەتر گوت، داخوارێ ل ئالیێن شولەژێ دکەین کو کار بو راوستانا ڤان ئالوزیان بکەن، چونکی ژیانا خەلکێ گوندان لسەر گوندایە.
بریندار بەرواری،،ئەو ژی ئێک ژ خەلکێ وان گوندان دبێژیت، ژبلی کو بوردمانان مەترسی ل سەر گیانێ وەلاتیان و چولکرنا گوندان کریە، هەڤدەم بەرهەمێ خومالیێ ئەڤ سالە ژ لایێ وان هاتیە ژناڤبرن و زیانێن زور ب خەلکێ گوندان گەهاندیە.
ل سنورێ ناحیا کانی ماسێ پتری 76 گوند هەنە، پشکەک ژ وان گوندان هاتینە چولکرن، د نوکە دا شەر و ئالوزی ل هندەک ژ وان گوندێن دی دهێتەکرن و وەلاتی داخواز دکەن ئارامیا دەڤەرێ بهێتە پاراستن.
دهۆک\ وشە