ب مەرەما چارەسەرکرنا ئاریشا دناڤبەرا دهوک و موسل دوارێ بازرگانی دا، شاندەکێ ژورا بازرگانی و پێشەسازیا موسل سەرەدانا ژورا بازرگانیا دهوکێ کر، ژبەرکو دەما چەند روژایە رێی ل هەمبەر چونا ترومبێلێن بازرگانی ژ دهۆکێ بو موسل و عیراقێهاتیە گرتن.
شوکری جەمیل، سەروکێ ژورا بازرگانیا دهوکێ گوت، ب مەرەما هەڤنیاسین و هەڤکاریێن بازرگانی دناڤبەرا دهوک و موسل، شاندەکێ ژورا پێشەسازیا موسل سەرەدانا دهۆکێ کریە و بەحس ل وان ئاستەنگ و ئەگەرە و بزاڤێن چارەسەریێ دکەین ئەوێن گرێدایی رەوشا بازرگانی و پێشەسازی، ئومێدەوارێن کو هەموو ئەو ئاریشە بهێنە چارەسەرکرن و دهوک و موسل پێنگاڤێن باشتر بهاڤێژن و پەیوەندیێن باشتر بکەن.
محەمەد عەلی، سەروکێ ژورا پێشەسازیا موسل دیارکر کو ب مەرەما چارەسەرکرنا ئاریشان ئەو ل دهوکێ نە و گوت، ب جدی هەموو هەول و بزاڤ دهێنە هاڤێتن کو ل نێزیک ئاریشەیێن دناڤبەرا دهوک و موسل ب رێیا بەغدا بهێنە چارەسەرکرن و جوتیار و وەڵاتی و بازرگان بشێن ئالوگورا کرین و فروتنێ ب ساناهی تر بکەن و باوەرم ژ نێزیک دێ هێنە چارەسەرکرن و ل دهوکێ ل سەر ئاستێ بالا دێ مە کومبونێن جودا هەبن.
دەمێ چەند روژایە ل زالگەها بەدریکێ کو دکەڤیتە دناڤبەرا دهۆک و موسل، بو دەما چەند روژایە ترومبێل ماینە د سرایێ دا و نەشێن بچنە موسل، د نوکە دا ب شێوەیێ دەمکی ئاریشا وان هاتیە چارەسەرکرن هەتاکو ب شێوەییەکێ هەمیشەی بهێتە چارەسەرکرن.