پشتی كو چه‌ند حاڵه‌تێن ڤایرۆسا كۆرۆنایێ ل ده‌ڤه‌را بارزان هاتینه توماركرن، داكو كونترولا ڤایرۆسی ل ده‌ڤه‌رێ بهێته‌كرن، تاقیگه‌هه‌كا ڤایرۆسا كۆرۆنایێ ل ده‌ڤه‌را بارزان هاته‌دانان و ئه‌ڤرۆ وێڤه هه‌موو سێمپل و ده‌رئه‌نجامێن نوو دێ ل ده‌ڤه‌رێ هێنه‌كرن.
هه‌موو قوناغێن پشكنینا كۆرۆنایێ دێ ل نه‌خۆشخانا گشتی یا بلێ هێنه‌كرن
هه‌وار عه‌بدوڵا رێڤه‌به‌رێ نه‌خۆشخانا گشتییا بلێ بۆ "وشه" گۆت، ب مه‌ره‌ما نه‌هێلانا ڤایرۆسا كۆرۆنایێ و پاقژكرنا ده‌ڤه‌رێ، بۆ ئێكه‌م جار ل ده‌ڤه‌را بارزان تاقیگه‌هه‌كا تایبه‌ت ب كۆرۆنایێ هاته دانان.
زێده‌تر گۆت "دنوكه‌دا ئامیرێ پی سی ئار ل نه‌خۆشخانا بلێ هاته دانان، ب گوره‌ی هه‌موو ئه‌و ستاندارێن نیڤده‌وله‌تی و جیهانی كارێ وه‌رگرتنا سێمپل و ده‌رخستنا ده‌رئه‌نجامێن نوون، هه‌موو قوناغێن پشكنینا كۆرۆنایێ دێ ل نه‌خۆشخانا گشتی یا بلێ هێنه‌كرن كو ئه‌ڤ یه‌ك ژی تشته‌كێ باشه و دێ خزمه‌ته‌كا باش بۆ پشكنینا وه‌لاتیان ل ده‌ڤه‌رێ هێته‌كرن، ژبه‌ركو ده‌ڤه‌را بارزان ده‌ڤه‌ره‌كا چیایی و دووره‌ده‌سته"
هه‌تا نوكه نێزیكێ پێنج كه‌س ل ده‌ڤه‌را بارزان تووشی كۆرۆنایێ بووینه، پتری دوو هزار نموونه و سێمپل هاتینه وه‌رگرتن.