ئۆنه‌ر گه‌ڕایه‌وه‌ بازاڕه‌كان

:: PM:09:23:29/06/2020 ‌

كۆمپانیای ئۆنه‌ر له‌ نوێترین كاردا یه‌كێك له‌ مۆبایله‌كانی بڵاو كرده‌وه‌ و له‌باره‌یه‌وه‌ گوتی، ئه‌م مۆبایله‌ جیاواز له‌ به‌رهه‌مه‌كانی پێشوو خاوه‌ن دیزاینێكی جوانه‌ له‌گه‌ڵ هێزێكی زۆر كه‌ به‌ پرۆسێسه‌رێكی به‌هێز كار ده‌كات.

ماڵپه‌ڕی تایبه‌تی ته‌كنه‌لۆجی "gadgets" ئه‌وه‌ی ئاشكرا كردووه‌ كه‌ كۆمپانیای ئۆنه‌ر نوێترین به‌رهه‌می بڵاو كرده‌وه‌ به‌ناوی "Honor X10"ه‌وه‌ كه‌ یه‌كێكه‌ له‌ مۆبایله‌ به‌هێز و خاوه‌ن تایبه‌یمه‌ندییه‌ باشه‌كانی دنیا، هه‌روه‌ها كۆمپانیاكه‌ ئه‌وه‌یش گوتوه‌ كه‌ له‌ڕووی كوالێتی و نرخه‌وه‌ یه‌كێكه‌ له‌و مۆبایلانه‌ی كه‌ له‌ ڕیزبه‌ندی پێشه‌وه‌یه‌.

مۆبایلەکە كامێرای پێشه‌وه‌ی 16 مێگاپێكسڵه‌ و كامێرای دواوه‌ی 40 مێگاپێكسڵه‌

كۆمپانیاكه‌ له‌باره‌ی تایبه‌تمه‌ندییه‌كانی ئه‌م مۆبایله‌وه‌ روونكردنه‌وه‌ی داوه‌ و گوتوویه‌تی، مۆبایله‌ نوێیه‌كه‌ی ئه‌م كۆمپانیایه‌ پاترییه‌كی 4300 میلی ئه‌مپێری له‌سه‌ره‌ و پرۆسێسه‌رێكی به‌هێزی هه‌یه‌ كه‌ له‌ جۆری هایسیلیكۆن كرینی 820یه‌، جگه‌ له‌وه‌ش كامێرایه‌كی به‌هێزی بۆ دانراوه‌ كه‌ كامێرای پێشه‌وه‌ی 16 مێگاپێكسڵه‌ و كامێرای دواوه‌ی 40 مێگاپێكسڵه‌.

هه‌روه‌ها شاشه‌یه‌كی روونی هه‌یه‌ كه 6.63 ئینجه‌ و روونییه‌كه‌یشی به‌ سیستمی 1080 به‌ 2400 كار ده‌كات، ڕامیشی شه‌ش گێگابایته‌ و به‌ ئه‌ندرۆید 10 كار ده‌كات، ئه‌مه‌یش وای كردووه‌ نرخه‌كه‌ی 350 دۆلاری ئه‌مه‌ریكی بێت.

كۆمپانیای هواوی چینی یه‌كێكه‌ له‌ كۆمپانیا به‌ناوبانگه‌كانی دنیا كه‌ له‌ ساڵی 1987 له‌سه‌ر ده‌ستی "ڕێن ژێگ فێی" دامه‌زراوه‌ و ئێسته‌ یه‌كێكه‌ له‌ باشترین كۆمپانیاكانی دنیا بۆ دروستكردنی مۆبایل و ئامێری ته‌كنه‌لۆجیای به‌هێز، ئه‌و كۆمپانیایه‌ نزیكه‌ی 170 هه‌زار فه‌رمانبه‌ری هه‌یه‌ له‌ دنیادا كه‌ نزیكه‌ی 76 هه‌زاریان ئه‌ندازیاری شاره‌زان له‌ بواری ته‌كنه‌لۆجیادا.












وشە - ڕۆزی عه‌بدولره‌حمان

ئه‌م بابه‌ته 159 جار خوێنراوه‌ته‌وه‌‌