چەند بڕیارێك بۆ قوتابیانی پۆلی 12ـی ئامادەیی دەرچوو

:: AM:09:22:30/07/2020 ‌
سەرۆكی لیژنەی پەروەردە و خوێندنی باڵا لە پەرلەمانی كوردستان ڕای دەگەیەنێت، لیژنەیەكمان پێكهێناوە بۆ ئەو پرسیارانەی تێبینییان لەسەرە بۆ ئەوەی مافی قوتابیان نەفەوتێت.

ئەمڕۆ پێنجشەم 30ـی تەمووز، عەبدولسەلام دۆڵەمەری سەرۆكی لیژنەی پەروەردە و خوێندنی باڵا لە پەرلەمانی كوردستان بە "وشە"ـی ڕاگەیاند، لیژنەیەكمان پێكهێناوە بۆ ئەو پرسیارە وزارییانەی تێبینییان لەسەرە.

هەر پرسیارێك هەڵە بێت، نمرەی ماف بۆ قوتابی دەگەڕێتەوە
سەرۆكی لیژنەی پەروەردە گوتی، هەر پرسیارێك هەڵە بێت، نمرەی ماف بۆ قوتابی دەگەڕێتەوە و ئەو پرسیارانەی لە دەرەوەی مەنهەج بێت، نایەڵین مافی قوتابی بفەوتێت.

باسی لەوەش كرد، لە بەرانبەر ئەو پرسیارانەی لە دەرەوەی مەنهەجن، هەوڵ دەدەین نمرەیان بۆ بگەڕێتەوە.

لە هەرێمی كوردستان تاقیكردنەوەكانی پۆلی 12ـی ئامادەیی بەردەوامە و تا ئێستە شەش تاقیكردنەوە كراوە، یەك تاقیكردنەوە ماوەی بۆ هەشتی ئاب. زیاتر لە 144 هەزار قوتابی بەشدارییان كردووە و هەفتەی دوو تاقیكردنەوە بەڕێوە دەچێت.



وشە - رامیار جەواد

ئه‌م بابه‌ته 2060 جار خوێنراوه‌ته‌وه‌‌