بەرپرسێكی باڵای عێراق ڕای دەگەیەنێت، بۆ پاراستنی فەرمانبەران دوای جەژن گۆڕانكاری لە شێوازی دەوامكردنی فەرمانبەران دەكرێت.
ئەمڕۆ شەموو یەكی ئاب، ئەمیندارێتی گشتی ئەنجوومەنی وەزیرانی عێراق
لە ڕاگەیەنراوێكدا بڵاوی كردووەتەوە، شێواز و كاتی دەوامی فەرمانبەران لەدوای جەژنی قوربان لەلایەن لیژنەی باڵای تەندروستی و سەلامەتی نیشتمانی ئەنجوومەنی وەزیرانەوە دیاری دەكرێت.
پێشبینی دەكرێت ڕۆژی پێنجشەم ئەو لیژنەیە كۆببێتەوە كۆمەڵێك بڕیاری نوێ دەربكات.
ئەنجوومەنی وەزیرانی عێراق بڕیاری دابوو، كە فەرمانگەكان بەڕێژەی 20 تا 25% دەوام بەفەرمانبەران بكەن
پێشتر ئەمیندارێتی گشتی ئەنجوومەنی وەزیرانی عێراق بڕیاری دابوو، كە فەرمانگەكان بەڕێژەی 20 تا 25% دەوام بەفەرمانبەران بكەن و بەشێوەی تەناوب.
هەفتەی ڕابردوو لیژنەی باڵای تەندروستی و سەلامەتی نیشتمانی ئەنجوومەنی وەزیرانی عێراق بڕیاریدا بەهۆی زیادبوونی ژمارەی تووشبووان بە كۆرۆنا ماوەی چوار لە ڕۆژانی جەژنی قوربان بكاتە قەدەغەی هاتووچۆ و پشووی فەرمی ڕۆژی یەكشەم كۆتایی بەو پشووە دێ.