هەنجیر و هەنار و ترێ قەدەغە كران

:: PM:05:21:01/08/2020 ‌
بەپێی بڕیارێكی وەزارەتی كشتوكاڵ و سەرچاوەكانی ئاوی حكوومەتی هەرێمی كوردستان لە ئەمڕۆ چەندین بەرهەم قەدەغە بۆ هەرێمی كوردستان هاوردە بكرێت ئەوەیش بۆ پاڵپشتی بەرهەمی ناوخۆیی.

ئەمڕۆ شەموو یەكی ئاب، دەروێش ئەیوب سەرپەرشتیاری ئۆتۆمبێلی گواستنەوە لە دەروازەكان بۆ عەلوەكان بە "وشە"ـی ڕاگەیاند، بەپێی بڕیاری وەزارەتی كشتوكاڵ و سەرچاوەكانی ئاوی حكوومەتی هەرێمی كوردستان لە ئەمڕۆ ناتوانین كۆمەڵێك بەرهەم لە وڵاتی ئێران هاوردە بكەین.

لە مەرزەكان ڕێگەیان پێ‌ نادرێت، چونكە بەرهەمی ناوخۆی پێگەیشتووە
ئەو سەرپەرشتیارە گوتی، شوفێرانمان ئاگەدار كردووەتەوە بەرهەمەكانی هەنجیر و هەنار و ترێ نابێت بگوازنەوە لە مەرزەكان ڕێگەیان پێ‌ نادرێت، چونكە بەرهەمی ناوخۆی پێگەیشتووە.

باسی لەوەشكرد، ساڵانی ڕابردوو باج دەخرایە سەر ئەو بەرهەمانە، بەڵام بۆ ئەمساڵ بە تەواوەتی قەدەغە كراون و نابێت بگوازرێنەوە بۆ ناو هەرێمی كوردستان.

لە ناوەڕاستی مانگی تەمووز بڕیارێك لە وەزارەتی كشتوكاڵ بۆ سەرجەم دەروازە سنوورییەكان دەرچوو كە پێویستە لە یەكی تەمووز ڕێگە نەدرێت بە هاوردە بەرهەمی هەنجیر و هەنار و ترێ بەهۆی پێگەیشتنی و پارێزگاری لە بەرهەمی ناوخۆیی.



وشە - رامیار جەواد

ئه‌م بابه‌ته 2984 جار خوێنراوه‌ته‌وه‌‌