بۆ ئێكهمجار ل پارێزگهها دهۆكێ ژنهك بناڤێ (وارژین یاسین سلێمان) وهكو ژن دبیته ههلگرا باوهرناما بورد دكتورا دوارێ نهخۆشیێن دهروونی دا.
نوكه ل دهۆكێ دژیت و خێزانداره و سێ زاروك ههنه
د.وارژین یاسین، تایبهتمهندا نهخۆشیێن دهروونی بۆ "وشه" دیاركر كو پشتی ئهو وهكو نوژدار ل زانكۆیا دهۆكێ داوی هاتی، هزر د خواندنا زانستێ دهروونی دا كر.
زێدهتر گۆت "بێگومان دهستڤهئینانا باوهرناما بورد دكتورا د نهخۆشیێن دهروونی دا ئێكه ژ كارێن ههری گرنگ د ژیانا تاكێن جڤاكی ب گشتی و تایبهتی لدهڤ نوژداران، دهستڤهئینانا وێ پێدڤی ب ماندوبوونهكا زۆره، بهلێ سوپاس بۆ خودێ و ب پشتهڤانیا دایباب و ههڤژینێ خوه شیام وهكو ئێكهم ژن ل پارێزگهها دهۆكێ ئهڤ جورێ باوهرنامێ دهستخوڤه بینم"
ناڤبری د درێژاهیا ئاخفتنێن خودا دیاركر ژی كو رۆژههلاتا ناڤهراست و عیراق و كوردستان و پارێزگهها دهۆكێ ژی پێدڤی ب نوژدارێن دهروونی ههیه و گۆت ژی "رهنگه د جڤاكێ مه دا ههبن ژن وهكو پێدڤی ئاریشه و كێشهیێن خوه یێن دهروونی بۆ نوژدارهكێ تایبهتمهندێ دهروونی یێ زهلام نه بێژیت، لهوا گرنگه د نهخۆشخانه و كلینیكێن دهۆكێ ژی دا نوژدارێن تایبهتمهندێن ژن ههبن، نوكه من ل دهۆكێ كلینیكهك دانا و دێ خزمهتا خهلكێ خوه كهین،"
ل دوماهیێ گۆت "ههر كهسهكێ ب تایبهتی كچ و ژنان، ئهگهر ئیراده ههبیت دێ شێت گههیته وی زانستی و ئاستی كو د سینگێ خوه دا ههلگرتی و كار بۆ كری، نوكه ل كوردستانێ بورد ههیه و ههر كچ و ژنهك مینا زهلامان دشێن بخوینن، سوپاس بۆ خودێ خهلكێ مه زۆر هاریكارن و پێشوازی ل كلینیكا من كر و دلخوشن ب وێ باوهرناما من ئینایی"
وارژین نوكه ل دهۆكێ دژیت و خێزانداره و سێ زاروك ههنه.