بەڕێوەبەرایەتی گشتی پەروەدەی هەڵەبجەی شەهید ڕای گەیاند، پێویستی بە وانەبێژ بۆ مامۆستای دەرچووی بەشی پەروەردەی تایبەت و كۆمەڵناسی هەیە.
ئەمڕۆ یەكشەم 18ـی تشرینی یەكەم، لە ئاگەدارییەكی بەڕێوەبەرایەتی گشتی پەروەردەی هەڵەبجەدا هاتووە، ئەو مامۆستایانەی دەرچووی پەروەردەی تایبەت و ئاداب بەشی كۆمەڵناسین لە پەروەردەی هەڵەبجە، وەك وانەبێژ دادەمەزرێن.
پەروەردەی تایبەت و ئاداب بەشی كۆمەڵناسین لە پەروەردەی هەڵەبجە، وەك وانەبێژ دادەمەزرێن
ڕوون كراوەتەوە، ئەوانەی ئارەزوومەندن دەتوانن ئەمڕۆ و سبەی سەردانی بەڕێوەبەرایەتی فێركردنی نائاسایی بكەن لەناو باڵەخانەی قوتابخانەی شەهید ئازاد هەورامی بەمەبەستی وەرگرتنی فۆڕم و ڕۆژی سێشەم و چوارشەم فۆرمەكان بگەڕێننەوە بۆ هەمان شوێن.
باس لەوەش كراوە، بەهیچ شێوەیەك ڕێنوێنیكاری پەروەردەیی و توێژەری دەروونی ناكرێن بە وانەبێژ، لەبەرئەوەی ناونیشانیان فەرمانبەرە و ناتوانن كاری مامۆستایی بكەن.
ئەو ئاگەدارییە بۆ مامۆستایان لە كاتێكدایە لە دوو ڕۆژی ڕابردوو وەزارەتی پەروەردە لەبارەی هەلی كار بۆ دەرچووانی تازە بۆ مامۆستایان كۆمەڵێك بڕیاری نوێی دەركرد.